ایران‌دا حکومتین بوغدایا تعیین ائتدیی قیمت خرجلری قارشیلامادیغی اوچون قونشو اؤلکه‌لره، عراق و یا پاکیستانا باها قیمته ساتیلاجاق.

آخار. آذ-این معلوماتینا گؤره، بونو ایرانین بوغدا تصروفاتچیلاری میللی فوندونون صدری عطا اللاه هاشمی دئییب.

هاشمینین سؤزلرینه گؤره، ساتین آلینان بوغدانین قیمتی دییشدیریلمدیی حال‌دا، تصروفاتچیلار یا بوغدا اکمه‌یه‌جک، یا دا محصولو حکومته ساتمایاجاق.

اؤتن ایل حکومت شیرکتی طرفین‌دن ۱ کیلو بوغدانین ۱۷ مین ریالا (رسمی مزه‌ننه ایله ۰،۴۰ دلار، قارا بازار مزه‌ننه‌سی ایله ۰،۱۵ دلار) ساتین آلیندیغینی دئین فوند صدری بیلدیریب کی، بو قیمت بو ایل اوچون ۲۲ مین ریال تعیین اولونوب:

«حالبوکی حاضیرکی اینفلیاسییایا گؤره بو رقم مینیموم ۲۵ مین ریال اولمالی ایدی».

هاشیمی علاوه ائدیب کی، حکومت بو قیمتی دییشمه‌سه، بوغدا اکینی ده آزالا بیلر.

قید ائدک کی، ایراندا بیر سیرا محصوللار، او جمله‌دن بوغدا، دویو، چای دؤولت شیرکتی طرفیندن ضمانت‌لی شکیلده ساتین آلینیر.