دونیا اقتصادی فورومونون «گلوبال آرئنادا رقابت» مؤوضوسون‌دا یئنی حساباتی گؤستریر کی، ایرانین ۱۴۱ اؤلکه آراسین‌داکی یئری اؤتن ایلله مقاییسه‌ده ۱۰ پیلله گئریله‌یه‌رک ۹۹-جو یئره ائنیب.

سؤزوگئدن ۱۴۱ اؤلکه دونیا اقتصادیاتینین تخمیناً ۹۹ فایزینی تشکیل ائدیر.

حسابات‌دا اؤلکه‌لره صیفیردان ۱۰۰-ادک بال وئریلیر، ان یوکسک پیلله‌ده سینگاپور (۸۴،۸%) و ایکینجی یئرده آمریکا قرارلاشیب. بوندان اول آمریکا بیرینجی پیلله‌ده یئر آلیردی.

ان آشاغی باللار ایسه چاد و یمنه وئریلیب.

ایرانا ۵۳ بال وئریلیب و ایرانین اطرافین‌دا تکجه یمن و پاکیستان بو اؤلکه‌دن آشاغی یئر توتوب. عراق و افغانیستان ایسه سیاهییا داخیل ائدیلمه‌ییب.

رقابت قابیلیت‌لی‌لیک ایندکسی اوزره بال تعیین ائدیلرکن، ۱۲ قروپدا عمومیلشدیریلمیش ۱۰۳ کومپوننت نظره آلینیب.

ایرانین اورتا ریتینقی ۵۳ بالدیر، آنجاق بعضی کومپوننتلر اوزره داها آشاغی یئر آلیر.

ایران هئچ بیر معیار اوزره دونیادا یاخشی یئره صاحب دئییل.