رئوتئرس خبر آگنت‌لیگی آمریکانین ایکی رسمی‌سینه ایستینادا، واشینگتنون ایران نفتینین چین تانکرلری واسطه‌سیله گیزلی شکیل‌ده داشینماسین‌دان ناراحات اولدوغونو بیلدیریب.

آمریکا، بو ایلین ایول آیین‌دا چینین زهوو زهن شیرکتی و سنتیابرین سونون‌دا بو اؤلکه‌یه مخصوص بیر نئچه گمی‌چی‌لیک شیرکتینی، او جمله‌دن «کاسکو» دؤولت هولدینقینی ایرانا قارشی نفت سانکسییالارینی پوزدوغونا گؤره بایکوت ائدیب.

رئوتئرس یازیر کی، آمریکانین گمی‌چی‌لیک شیرکتلرینه تطبیق ائتدیی سانکسییالارین آردیندان، «کاسکو» شیرکتینی دونانماسینین اوچده بیرینی تشکیل ائد‌ن ۱۴ نفت تانکری یئرلرینی و تعیناتینی گیزلی ساخلاماق اوچون سیگنال سیستملرینی سؤندوروب.

«رئوتئرس» آگنتلیینه آچیقلاما وئرن بیر آمریکا رسمیسی بیلدیریب کی، بیرلشمیش ایشتاتلار دونیانین بوتون گمیچیلیک شیرکتلرینه مئساژ گؤندره‌رک خبردارلیق ائدیر کی، ایرانلا سؤودلشمه ریسکینه گئتمه‌یه دیمز.

رئوتئرس یازیر کی، آمریکانین سانکسییالاری ایله ایرانین نفت ایخراجاتی گونده‌لیک ۲،۵ میلیون بارل‌دن ۴۰۰ مین بارله قدر آزالیب.

چین و سورییا آچیق شکیلده ایراندان نفت آلان یگانه اؤلکه‌لردیر.