ایران و آوروپا-یه عضو اؤلکه‌لر آراسین‌دا تیجارت دؤورییه‌سی بو ایلین ایلک سککیز آیین‌دا کئچه‌ن ایلین عینی دؤورو ایله مقاییسه‌ده ۷۵ فایزدن چوخ آزالیب و عمومی‌لیک‌ده ۳،۴۷۰ میلیارد آورویا دوشوب.

ایرانلا آوروپا بیرلیگی آراسین‌دا تیجارتین کسکین آزالماسی خصوصیله ایرانین ایخراجینین سوقوطو ایله الاقداردیر، باخمایاراق کی بو اؤلکه‌نین ایدخالی دا سؤزوگئدن دؤورده آزالیب. ایرانین بو ایلین ایلک سککیز آیین‌دا آب-یه عضو اؤلکه‌لره ایخراجی جمعی ۴۷۶،۹۹۰ میلیون آورو تشکیل ائدیب کی، جاری ایل اوچون بو، اوولکی ایله نیسبته‌ن ۹۴.۱۱ فایز آزالما دئمک‌دیر.

عینی دؤورده ایران آوروپایا ایخراجین‌دان ۶ دفعه چوخ، یعنی ۲.۹۹۰ میلیارد آورو دیرین‌ده حمین بؤلگه‌دن مال ایدخال ائدیب کی، بو دا ایللیک مقاییسه‌ده ۵۱.۶۷% آزالما دئمکدیر.

بو دؤورده آلمانییا، ایتالییا و هوللاندییا ایرانین آوروپا بیرلیین‌ده‌کی ان اهمیت‌لی تیجارت طرفداشلاری اولوب. ایلین ایلک سککیز آیین‌دا آلمانییا ایله آپاریلان تیجارتین دیری ۱.۹۰ میلیارد آورو، ایتالییا ایله ۶۵۸ میلیون آورو، هلاندییا ایله ایسه ۳۳۳ میلیون آورودان بیر قدر چوخ اولوب.

بو دؤورده ایرانین ایکی آوروپا اؤلکه‌سی ایله، یعنی بولغاریستان و قبزسله تیجارت دؤورییه‌سی اوولکی دؤورله مقاییسه‌ده آرتاراق موافق اولاراق ۵۷،۳۵ میلیون و ۴.۴۱ میلیون آورو تشکیل ائدیب.

یونانیستان، ایسپانییا، لوکسئمبورق، فران‌سا و ایسوئچله تیجارت دؤورییه‌سی ده سؤزوگئ‌دن دؤورده ان بؤیوک آزالمانی گؤستریر. بو آزالما یونانیستان اوچون ۳۰،۳۷ میلیون آورو ایله ۹۷،۲۸ فایز، ایسپانییا اوچون ۱۹۰،۶۱ میلیون آورو ایله ۹۱.۳۷ فایز، فران‌سا اوچون ۲۶۹،۱۷ میلیون آورو ایله ۸۸،۵۴ فایز اولوب. دیگر اوچ اؤلکه ایله تیجارت عملیاتلارینین دیری ده ۸۱-۸۸ فایز آراسین‌دا قئیده آلینیب.

بو رقملر آوروپا کومیس‌سییاسینین لوکسئمبورگدا یئرلشه‌ن ایستاتیستیکا ایداره‌سی اولان «ائوروستات» اینستیتوتو طرفین‌دن وئریلیب.

قید ائدک کی، ایران و آوروپا بیرلیگی آراسین‌دا تیجارت دؤورییه‌سی آبش-این تهرانا قارشی سانک‌سییالار تطبیق ائتمه‌سین‌دن سونرا کسکین شکیل‌ده آشاغی دوشوب و خصوصیله ارزاق و درمان کیمی اساس ماللارلا محدودلاشیب. آوروپا بیرلیگی تیجارته دستک اولماق مقصدیله خصوصی مئخانیزم یاراداراق ایرانلا دوللار اولمایان تیجارتی آسانلاشدیرماغا و بونونلا دا آوروپا شیرکتلرینی آمریکا سانکسییالاری قانونونون تطبیق اولونماسی تهلوکه‌سین‌دن قوروماغا چالیش‌سا دا، اؤزل صنایع موسسه‌لری و بانک قوروملاری طرفین‌دن ناراحات‌لیقلار و بو مکانیزمی آلقیشلاماماسی بو گونه قدر قید اولونان مئخانیزمین فعالیتینه مانع اولوب.