آنا صحیفه ایقتیصادیات |
تورکییهنین انرژی بازارینین تنظیملهنمهسی ایدارهسی حاضیرلادیغی یئنی ایستاتیستیکادا بو اؤلکهنین جاری ایلین آوقوست آییندا اؤتن ایلین اوخشار دؤورو ایله مقاییسهده ایراندان آلدیغی گازی ۱/۳ نیسبتینده آزالتدیغی بیلدیریلیر.
آخار. آذ خبر وئریر کی، همین آی عرضینده ایران تورکییهیه ۱۶۰ میلیون کوب متر ماوی یاناجاق ساتا بیلیب، بو ایسه سون ۱۰ ایل عرضینده ان آشاغی گؤستریجی ساییلیر.
جاری ایلین ۸ آیی عرضینده ایرانین تورکییهیه ساتدیغی گازین میقداری اؤتن ایلین آنالوژی دؤورونه نیسبتا ۱۰.۵% آزالماقلا، ۴.۵ میلیارد کوب متر تشکیل ائدیب.
سؤزوگئدن ایستاتیستیکایا اساساً، ایون آییندان اعتباراً رسمی آنکارا تهراندان ۱ بارل ده نفت آلماییب. بونونلا دا ایرانین تورکییهیه قارا قیزیل ایخراجاتی صیفیرا دوشوب.
تورکییه بو ایلین ۸ آیی عرضینده جمعی ایراندان ۲.۱ میلیون تون قارا قیزیل ایدخال ائدیب. حالبوکی بو رقم ۲۰۱۸ و ۲۰۱۷-جی ایللرین عینی دؤورده مووافیق اولاراق ۵.۱۶ و تقریباً ۷ میلیون ۲۵۳ مین تون تشکیل ائتمیشدی.
تاریخ
2019.11.01 / 20:25
|
مولف
Axar.az
|