۳-۴ آی بون‌دان اؤنجه ایستدیک، بنزینی باهالاشدیراق. بو حاق‌دا میللی تهلوکه‌سیزلیک شوراسین‌دا قطعی قرار آلیندی.

بو سؤزلری ایرانین داخیلی ایشلر ناظری عبدالرضا رحمانی فضلی دئییب. اونون سؤزلرینی «خبر اونلاین» آگنت‌لیگی یاییملاییب.

«آنجاق قانونون ایجراسین‌دان ۲ گون قاباق، مسئوللارین بیرینین دیلیندن سیزدیغینا گؤره، مجبور اولدوق حادثه‌نی داناق و ایجرا ائتمیک. چونکی تجروبه گؤسترمیشدی کی، میللت ۲ گون اؤنجه‌دن احتیاط بنزین آلماغا چالیشاجاق. ایکی گون بوتون یاناجاق دولدورما منطقه‌لرینده بنزین آلماق اوچون اوزون نؤوبه‌لر اولاجاق و بو بیر سیرا پروبلملر یاراداجاق. اوسته‌لیک احتیاط بنزینلرینده ضررلرینه گؤز یومماق اولمازدی. ائله بو سببدن قرارین ایجراسینی سس‌سیزجه‌سینه یاتیرتدیق و مئدیادا دوزگون خبری داندیق»، – ناظر قید ائدیب.