آنا صحیفه ایقتیصادیات |
«برنت» مارکالی نفتین قیمتی ۲۰۵۰-جی ایلدک ایستحصال خرجلرینین یوکسک و رسورسلارین آز اولماسی سببی ایله بیر بارل اوچون ۱۸۳ دلارا چاتا بیلر.
ترند-این معلوماتینا گؤره، بو بارهده آمریکا انرژی ناظیرلیینین انرژی اینفورماسییالاری ایدارهسینین (ائیا) ایللیک اوزون مدتلی پروقنوز حساباتیندا بیلدیریلیب.
گلهجکده انرژی رسورسلاریندان ایستیفاده حاقیندا قانونلاردا جدی دییشیکلیکلرین باش وئرمیجیی حالدا «برنت» مارکالی نفتین بیر بارلینین قیمتی ۱۰۵ دلارا قدر باهالاشا بیلر. لاکین، آشاغی ایستحصال خرجلری و رسورس چوخلوغو وضعیتینده قیمت بیر بارل اوچون ۴۶ دلارا قدر دوشه بیلر.
پروقنوزا گؤره، آمریکادا نفت حاصیلاتینین پیک نقطهسی ۲۰۲۲-جی ایلده اولاجاق و گونده ۱۴ میلیون بارل تشکیل ائدجک. شیست حاصیلاتینین داها آز محصولدار ساحهلره کئچجیی و نفت حاصیلاتینین آزالاجاغی سببیندن نفت حاصیلاتی حجملری ۲۰۴۵-جی ایله قدر بو گؤستریجییه یاخین وضعیتده دییشهجک. بوتون بونلارا باخمایاراق بیرلشمیش ایشتاتلارین عمومی ایستحصال حجمینده شیست یاغینین پایی ۲۰۵۰-جی ایله قدر ۷۳ فایزه چاتاجاق. ۲۰۴۵-جی ایلدهن سونرا آمریکادا نفت حاصیلاتینین آزالماس گؤزلنیلیر.
داها اول ائیا، آمریکادا گوندهلیک حاصیلاتی اؤتن ایلکی ۱۲،۲۹ میلیون بارله نیسبتده ۲۰۲۰-جی ایلده ۱۳،۳ میلیون بارل سوییهسینده گؤزلنیلدیینی و ۲۰۲۱-جی ایلده حاصیلاتین ۱۳،۷ میلیون بارله قدر آرتاجاغینی بیلدیریب.
تاریخ
2020.01.30 / 10:36
|
مولف
Axar.az
|