«نمین» خصوصی اقتصادی زوناسی یاخین بئش آی عرضین‌ده خاریجی و یئرلی صنایع صاحبلری و اینوئستورلارین ایختیارینا وئریله‌جک.

آخار. آذ خبر وئریر کی، بونو «نمین» خصوصی اقتصادی زوناسینین باش دیرئکتورو بهمن آذروش دئییب.

او بیلدیریب کی، «نمین» خصوصی اقتصادی زوناسی اردبیل ایالتینین ان بؤیوک اینکیشاف لاییحه‌لرین‌دن‌دیر: «اوزون ایللردی بو لاییحه اوزرین‌ده ایشلر آپاریلیر و بو بؤیوک لاییحه‌نین بیرینجی فازاسی (۸۴۱ هئکتار اراضی) یاخین بئش آی عرضین‌ده خاریجی و یئرلی صنایع صاحبلری و اینوئستورلارین ایختیارینا وئریله‌جک».

بو لاییحه‌نین آذربایجان و ایران اقتصادیاتینین اینکیشافین‌دا و ایکی اؤلکه آراسین‌دا تیجارت دؤورییه‌سینین آرتماسین‌دا رولون‌دان دانیشان ب. آزروش قئید ائدیب کی، سؤزوگئ‌دن خصوصی اقتصادی زونانین آذربایجانا یاخین اولماسی، اردبیل ایالتی ایله آذربایجان بؤلگه‌لرینین چوخ‌لو اوخشارلیقلاری، ائل‌جه ده ایکی اؤلکه‌نین ایخراجات‌چیلاری و ایدخالات‌چیلارینا گئنیش وئرگی گذشتلرینین تطبیقی امین‌لیکله ایکی اؤلکه آراسین‌دا تیجارت دؤورییه‌سینی آرتیراجاق.

ب. آزروش اونو دا قئید ائدیب کی، خصوصی اقتصادی زونانین عمومی اراضی‌سی ۲ ۰۵۵ هئکتاردیر و اردبیل بئینلخالق هاوا لیمانینین یاخینلیغین‌دا یئرلشیر: «اردبیل-آستارا ماگیسترال یولو بو زونانین یانین‌دان کئچیر. همچینین، بو زونا گله‌جک‌ده دمیر یولو واسطه‌سیله شیمال-جنوب بئینلخالق دهلیزی دمیر یولو شبکه‌سینه بیرلش‌دیریله‌جک».

زونادا اقتصادی فعاللار اوچون خصوصی گذشتلر تطبیق اولوناجاغینی دئیه‌ن ب. آزروش بیلدیریب کی، بو زونادان محصول ایخراج ائد‌ن شیرکتلره ۱۰۰% گؤمروک گذشتلری وئریله‌جک: «اونلارا وئرگی گذشتلری تطبیق اولوناجاق. خصوصی اقتصادی زونایا ایدخال اولونان خاممال و آوادان‌لیقلار اوچون ده گؤمروک خرجلری آلینمایاجاق. بو گذشتلر اقتصادی فعاللار اوچون شرایطی داها الوئریش‌لی ائد‌جک».

ب. آزروش علاوه ائدیب کی، خصوصی اقتصادی زونانین آچیلیشینین ایران و آذربایجان تیجارتینین آرتماسینا بیر تأثیری ده بودور کی، آذربایجان ایرانین اورتا آسییا و روسییا اؤلکه‌لرینه چیخیش یولونا چئوریله‌جک و بو دا هر ایکی اؤلکه‌ده ایش یئرلرینین آچیلماسینا سبب اولاجاق.