آنا صحیفه ایقتیصادیات |
چینین ایراندان نفت آلیشیندا کسکین آزالما مشاهده اولونور.
آخار. آذ خبر وئریر کی، جاری ایلین یانوار آییندان مای آیینا قدر چین ایراندان ۱ میلیون توندان چوخ قارا قیزیل ایدخال ائدیب. بو ایسه ۲۰۱۹-جو ایلین آنالوژی دؤورو ایله مقایسهده ۹۰% آزالمانین اولدوغونو گؤستریر.
چینین گمروک ایدارهسینین رسمی ایستاتیستیکالارینا اساساً، بو اؤلکه مای آیی عرضینده ایراندان یالنیز ۲۵۷ مین تون فت آلیب. معلوماتدا قئید ائدیلیر کی، بونون اوزینده چین اربیستاندان قارا قیزیل آلیشینی کئچهن ایلین عینی آیی ایله مقایسهده ایکی دفعه آرتیریب.
سون گونلر عرضینده ایرانین مئدیا قوروملاری "ایران و چین آراسیندا هرترفلی علاقهلره دایر ۲۵ ایللیک پروقرامین" تصدیقلهنمهسی بارهده معلومات یاییب، بونو ایکی اؤلکهلرین موختلیف ساحهلرده، خصوصیله ده نفت و گاز سئکتوروندا ایستراتئژی امکداشلیغینین نومونهسی کیمی تقدیم ائدیب
چینین گؤمروک ایستاتیستیکالاریندا همچینین ۲۰۲۰-جی ایلین مای آیی عرضینده بو اؤلکهنین ایرانا ائتدیی ایخراجاتین حجمی ۷۶۰ میلیون دلار تشکیل ائدیب. چینین همین آی ایراندان ایدخالاتینین عمومی حجمی ایسه ۳۷۰ میلیون دلار، یعنی ایخراجاتین هجمیندن ۲ دفعهدن چوخ آز اولوب.
چینین ایراندان ۲۰۲۰-جی ایلین اؤتن دؤورو عرضینده ایدخال ائتدیی محصوللارین عمومی دیری ایسه ۲.۷ میلیارد دلار اولوب. بو ایسه ۲۰۱۹-جو ایلین عینی دؤورو ایله مقایسهده ۶۲ فایز آزالمانین اولدوغونو نوماییش ائتدیریر.
سؤزوگئدن دؤورده چینین ایرانا ایخراجاتینین حجمی ۳.۷ میلیارد دوللار. تشکیل ائدیب. بو ایسه ۲۰۱۹-جو ایله نیسبتا ۱.۲ فایز آزالما دئمکدیر.
تاریخ
2020.06.26 / 17:17
|
مولف
Axar.az
|