جنوبی آذربایجان‌دان اولان بسته‌کار منصور دانشوارین "نازلانما" ماهنیسی اطرافیندا باش وئرمیش قالماقال سنگیمه‌ک بیلمیر.

Kult.az خبر وئریر کی، بو دفعه بسته‌کار ماهنینین ایفاچیلاری واصیف محرملی و وفا شریف‌اوانی دستکله‌دیی اوچون صنعتچی سرخان کرم‌اوغلونو سرت شکیل‌ده تنقید ائدیب، اونو "اوغرو" آدلاندیریب.

بونونلا باغلی سرخان کرم‌اوغلو آچیقلاما یاییب.

اونون سؤزلرینه گؤره، منصور دانشوار واصیف محرملی و وفا شریف‌اووانین دوئت ایفاسینی پایلاشدیغینا گؤره اونا دفعه‌لرله مکتوب یازیب.

"سونونجو مکتوبوندا ایسه بئله یازیب: "اوتانین! اوغرو! رکلام ائدیرسینیز. سیز نئجه انسانسینیز؟ تکجه آذربایجان یوخ، بوتون دنیا سیزین اوغورلوغونوزو بیلیر".

منصور، دنیا ایله سنین نه علاقه‌ن وار؟ اؤزون دئدیکلرینه دوغرودان اینانیرسان؟ دنیانین ایشی-گوجو سنین "اثر" آدلاندیردیغین اوچ بادام، بیر قوز ماهنی‌دیر؟ کیم بونا "اثر" دئییب؟

داها سونرا مکتوبوندا یازیرسان: "اونلاردان نه قدر پول آلمیسینیز کی، اونلارین ماهنی‌سینی رکلام ائدیرسینیز؟"

بو آرتیق آچیق-آشکار منه آتیلان بهتان‌دیر. سن حیاتیندا ان بؤیوک سهولردن بیرینی ائدرسن کی، منیمله قارشیدورمایا گیره‌سن، منیمله باش-باشا گله‌سن. اصلینده، سنی آذربایجان‌دا واصیف محرملی ایله وفا شریف‌اووا محض بو ماهنی ایله تانیت‌دیلار.

خالق آرتیستیمیز گولیاناق ممداوا ایله اوخودوغونوز همین ماهنینی دا برباد وضعیته سالمیسان. گولیاناق خانیم بؤیوک صنعتکاردیر. دوشونوره‌م کی، سن گونئی آذربایجان‌دان اولدوغون اوچون سنینله دوئت اوخوماق‌دان امتناع ائتمه‌ییب، خطرینه دیمک ایسته‌مه‌ییب.

عمومیتله، منجه، وفا شریف‌اووانی دا، واصیف محرملینی ده، حتی گولیاناق ممداووانی دا محکمه‌یه وئرمک لازیم‌دیر کی، سنین اوجوز "اثری"نی ایفا ائدیب، آذربایجان موسیقی ذوقونو کورلاییبلار!"

خاطیرلاداق کی، جنوبی آذربایجان‌دان اولان بسته‌کار منصور دانشوار "نازلانما" ماهنی‌سینا گؤره واصیف محرملی و اونونلا دوئت اوخویان وفا شریف‌اووانی محکمه‌یه وئرجه‌یینی، اونلاردان ۱۰۰ مین مانات مبلغینده تظمینات طلب ائدجه‌یینی آچیقلاییب.

بسته‌کار ادعا ائدیب کی، مغنی‌لر اونون مؤلفی اولدوغو ماهنینی اجازه‌سی اولمادان ایفا ائدیبلر. او، مسئله ایله باغلی ایفاچیلارلا علاقه ساخلاماغا چالیشدیغینی، لاکین اونلارین طرفین‌دن تحقیرلره معروض قالدیغینی بیلدیریب.

نتیجه‌ده منصور دانشوار ماهنینین واصیف محرملینین یوتوب کانالیندان سیلینمه‌سینه نایل اولوب. لاکین او، وفا شریف‌اووانین یوتوب پلاتفورماسیندا یئرلشدیریلمیش ایفاسینی هله ده سیلدیره بیلمه‌ییب.