کولت. آذ-این «بیر زامانلار تبریزده...» آدلی لاییحه‌سین‌ده تقدیم ائدیله‌جک نؤوبتی موسیقی «قیزیل گولومون رنگی نیه سارالدی؟» آدلانیر.

ماهنی قدیم تبریز ماهنیلاریندان بیریدیر. «قیزیل گولومون رنگی نیه سارالدی؟» ماهنی‌سینین ایفاچی‌سی پیمان تبریزیدیر. او، تبریزین اهراب کوچه‌سین‌ده دوغولوب. ۱۰ ایل بوندان اول وفات ائدیب. اونون ایفا ائتدیی بوتون ماهنیلار بؤیوک رغبتله قارشیلانیب. ان چوخ سئویلن ماهنی‌سی ایسه «آمان، اووچو»دور. اونون ماهنیلاری تبریزده «حسیاتلی ماهنیلار» آدلاندیریلیب.

قید ائدک کی، آذربایجانین مشهور مغننی‌سی بالوغلان اشرفووون اوخودوغو ماهنیلارین بؤیوک اکثریتی پیمان تبریزینین رپرتوارینداندیر.