آمریکا آچیلماسینی طلب ائتدیی و آتشکه‌سه سبب اولان هرمز بوغازینی بلوکلاماقلا اوچ حمله ائدیر:

۱. ایرانین محاربه‌ده اساس «ایستراتژی چکیندیریجیلیک» کارتینی الین‌دن آلیر، بئله دئمک ممکن‌سه، اؤز ریچاغیندان اؤزونه قارشی استفاده ائدیر؛

۲. ایرانین گلیر منبعی اولان نفت اخراجینین یوللارینی بلوکلاییر؛

۳. ایرانین هرمز بوغازینی بلوکلاماق طلبینه قارشی کوالیسیا فورمالاشدیرا، ان آزی مجبوری عکس-جهبه یارادا بیلر؛

هرمز بوغازینی بلوکلایان آمریکا ایرانین لیمانلارینا داخیل اولان و چیخان گمیلرین حرکتینی دایاندیراجاق، ائلجه ده بوغازدان کئچیده گؤره روسوم اؤد‌یه‌ن گمیلر ساخلایاجاق. واشینگتن بونا نایل اولاجاقسا، ایرانین تکجه ایستراتژی ریچاغینی افکت‌سیز ائتمه‌یه‌جک، عینی زمان‌دا، گلیرلردن محروم ائد‌جک.

بورادا اساس مقام هرمزون بلوکلانماسی ایله نفت بازاریندا قیمتلرین کسکین آرتاجاغیدیر. آمریکانی آتشکسه سوق ائد‌ن بلوکادانین اؤزو طرفیندن تطبیق ائدیلمه‌سی حسابلانمیش آددیم کیمی گؤرونور. نفتین باهالاشماسی آمریکادان داها چوخ (واشینگتون ونزوئلا نفتینین ادخالینا باشلاماقلا بنزین قیمتلرینی تنظیمله‌میی حسابلاییر)، آوروپا-آسیا اؤلکه‌لرینه ضربه وورور. بو اؤلکه‌لر محاربه‌یه گؤره هرمزو بلوکلایان ایرانی دئییل، هجوم ائد‌ن آمریکانی اتهام ائدیردی و واشینگتنون «بوغاز کوالیسیاسینا» قوشولمادیلار. ایندی بوغازین بلوکلانماسیندان اذیت چکن اؤلکه‌لر چتین سیتواسیا ایله قارشیلاشا بیلر:

- آمریکا بلوکادایا آتشکس دانیشیقلاریندان سونرا باشلاماقلا ممکن اتهاملار قارشی‌سیندا «ایران راضیلاشمادان امتنا ائتدی» آرقومنتی قازانیر؛

- بلوکادایا گؤره اقتصادی چتین‌لیکله اوزلشن اؤلکه‌لر یا بو وضعیتله باریشمالی، یا دا ایرانی هرمز طلبین‌دن امتنا ائتمه‌سی پروسسینه قوشولمالیدیر؛

بو وضعیت ایرانا تکجه اقتصادی ایتکیلر دئییل، تضییق دالغاسینین گوجله‌نمه‌سینی ده وعد ائدیر:

بیرینجی‌سی، بوغازی بلوکلایان آمریکایا تأثیر امکانلاری ضعیف اولان اؤلکه‌لر تدریجا ایرانا قارشی مؤقع آلا بیلر، خصوصیله اوجوز نفت آلان چین بو وضعیت‌دن ناراضیدیر. تهرانین آتشکسه راضی سالینماسیندا پکین تأثیرینین رول اوینادیغی حاق‌دا معلوماتلار واردی. ایران هرمز کارتیندان امتنا ائتمه‌مکله هم اؤز گلیرلرین‌دن محروم اولا، هم ده طرفداشلارینی چتین وضعیته دالا بیلر.

ایکینجی‌سی، آمریکانین هرمزو بلوکلاماسینا قارشی ایرانین ممکن جواب امکانی حربی موستویده‌دیر. کی، آتشکس‌دن سونرا ایلک هجوم ائد‌ن طرف ایران اولاجاقسا، آمریکا محاربه‌نی داوام ائتدیرمه‌یه لگیتیم‌لیک گازاندیرماق اوچون استفاده ائد‌جک؛

هرمز بوغازینین آمریکا طرفیندن بلوکلانماسینین ممکن نتیجه‌لری نظری باخیم‌دان بئله گؤرونور. پلانین پراکتیکی اجراسی ممکن اولارسا، ایران اطرافین‌دا سیتواسییا دییشه بیلر.