بو گون مرحوم شاعر فیکرت صادیغین دوغوم گونودور.

کولت. آذ خاطیرلادیر کی، او، ۱۹۳۰-جو ایل مایین ۳۰-دا شاماخیدا آنادان اولوب. بورادا ابتدایی، کوردمیرده ایسه اورتا تحصیل آلدیقدان سونرا باکی‌دا صنعت مکتبینی بیتیریب. داها سونرا دولت اونیورسیتتینین فیلولوگییا فاکولتسینده تحصیل آلیب.

ادبی فعالیته طلبه‌لیک ایللرینده اونیورسیتت نشریاتینین بوراخدیغی «گنجلیک نغمه‌لری» آلماناخیندا درج ائتدیردیی «آرتیست» و «آنا علی» شعرلری ایله باشلاییب.

شاماخی‌دا کند معلمی، رایون قزئتی رئداکسییاسیندا ادبی ایشچی، آذربایجان دولت اونیورسیتتینین آذربایجان ادبیاتی تاریخی کافدراسیندا باش لابورانت، آذربایجان سوویت انسیکلوپدییاسینین باش رداکسییاسیندا علمی رداکتور، شعبه مدیری، جعفر جبارلی آدینا «آذربایجان فیلم» کینوستودییاسیندا علمی-کوتلوی و سندلی فیلملر بیرلیگی ایداره‌سینده باش رداکتور، آذربایجان یازیچیلار اتفاقیندا بدیعی ادبیاتین تبلیغی بوروسونون دیرکتورو اولوب.

فیکرت صادیق «دنیز کوچه‌میزه گلیر»، «جیرتدان هارا گئتمیشدیر؟»، «سئوگی یاغیشی»، «بالا کیرپی»، «ایشیغین یاشی»، «گؤیده نه وار»، «گلین یویاق دنیزی» «آغ جیگیر»، «یئردن گؤیه اومید» و باشقا کیتابلارین مؤلفی‌دیر.

او، آذربایجان یازیچیلارینین ۷-جی-۸-جی قورولتایلاریندا آذربایجان یازیچیلاری اتفاقی تفتیش کمیسییاسینین صدری، ۹-جو قورولتاییندا ایداره هئیتینین عضوو، قبول کمیسییاسینین و شیروان فیلیالینین صدری سئچیلیب. آذربایجان عالی سوویتی ریاست هئیتینین فخری فرمانی، «امکده ایگیدلییه گؤره» مدالی ایله (۱۹۸۶) تلطیف اولونوب.

شاعرین قیزی، یازیچی آیسل فیکرت فیسبوکدا آتاسی ایله باغلی خاطره‌لرینی بؤلوشوب:

«سن‌سیز ایلک آد گونو... ایلک دفعه‌دیر بو گونو سئومیرم... «آتا، نه آلیم سنه؟» - دئمیجم. سن ده جاوابیندا گولومسه‌ییب، «هئچ نه، نولریم هدییه‌دیر»، - دئمیجکسن. آشیب-داشمایاجاق ائویمیز. سنی برک-برک قوجاقلاییب، اللرینی اؤپه بیلمیجم. «سن‌سیز اؤلرم» دئییردیم همیشه، اؤلورم ائله. جانیم، هر شییم سن ایدین.

جانیم آتام! هر گون، هر دقیقه، هر آن سندن دانیشیرام، سنینله دانیشیرام. حتی منیمله دانیشماق ایستینلر بئله، سندن دانیشماقلا سؤزه باشلاییرلار. بیر دفعه ده سویوقلوق ائتمدین منه، هئچ خاطریمه دیمدین. بیر دفعه ده ال قالدیرمادین، آجیلامادین. ائله سئودین کی، عؤمور بویو سئوگیسیز قالسام، منه یئتر. نه یاخشی کی، وار ایدین. دوغوم گونون مبارک! نه یاخشی کی، منیم ایدین. بلکه ده سئویندیرمدیم سنی. یالنیز سنی دلی کیمی سئودیم. دویمورام سن گئده‌لی اؤزومو. نئجه یاشادیغیمی حس ائتمیرم».

قید ائدک کی، فیکرت صادیق ۲۰۱۶-جی ایل نیابرین ۱۶-دا ۸۶ یاشیندا باکیدا وفات ائدیب.