آمریکاین «تایم-آوت نیو یورک» ژورنالی ات کسمه اصولو ایله مشهورلاشان تورکییه‌لی آشپاز نوسرت گؤکجه حاقین‌دا تنقیدی یازی حاضرلاییب.

کولت. آذ خبر وئریر کی، آمریکادا ایکینجی رستورانینی آچان آشپازی «آخماقلار سلطانی» آدلاندیران ژورنال اونون نیو یورک موحیطینه لاییق اولمادیغینی یازیب:

«نصرتین نیو یورکداکی رستورانی ۱۹-جو عصردن بو شهرده یارادیلان ان بؤیوک ساختاکارلیق اولا بیلر. «نوصر-ات» رستورانیندا اهالییه تکلیف ائدیلن ات هم چوخ دوزلو، هم ده باهالیدیر. منیو اینترنتده یئرلشدیریلمه‌ییب. اینسانلار ماسا آرخاسیندا ایلشه‌نه کیمی نه قدر پول اؤد‌یه‌جکلرینی بیلمیرلر. نصرت هر کسه اینستاگرام‌دا پولسوز سرگیلدیی شوونو رستوراندا شخصلره اؤزل سیرکه چئویریر. یئمکلر برباددیر. بلکه ده بعضیلری اینستاقرامدا پایلاشماق اوچون یوکسک مبلغده پول وئرمه‌یه دیدیینی فیکیرلشیر. «نوسر-ات» نیویورک دونیاسینا لاییق دئییل، اما بیز اونا لاییقیک. بو جاناواری هامیلیقلا یاراتمیشیق».

سؤزوگئدن مقاله سوسیال شبکه‌لرده ۲۰۰۰ دفعه پایلاشیلیب.

قید ائدک کی، بوندان اول «نیو یورک پوست» قزئتی ده نصرت گؤکچه حاقیندا تنقیدی مقاله یاییملامیشدی.