۱۹۷۶-جی ایلده سووتلر بیرلیییی ایله ایران آراسیندا آز قالا محاربه‌یه سبب اولاجاق حادثه باش وئریر. آذربایجان‌دان آمریکا ایله مناسبتلری چوخ یاخشی اولان ایرانا (ایراندا شاه رژیمی ۱۹۷۹-جو ایلده دئوریلیب – رئد.) طیاره ایله قاچیش حیاتا کئچیریلیر. کیچیک آن-۲ طیاره‌سی ایله زابراتدان لنکران شهرینه سرنیشین و پست باغلامالاری گتیره‌ن پیلوت والنتین زاسیموو سنتیابرین ۲۳-ده طیاره‌ده داها سرنیشین اولمادیغی آنی گؤزلییر و خزر دنیزی اوزریندن آلچاق هوندورلوکده اوچاراق، سووت-ایران سرحدین‌دن ۵۰ کیلومتر جنوب‌دا یئرلشن اهر شهرینه چاتیر.

ایران پلیس‌لری اونو حبس ائد‌ن زمان او، آمریکا بیرلشمیش اشتاتلارینین تهران‌دا یئرلشن سفیرلییندن سیاسی سیغیناجاق ایستییر. البته، آمریکا درحال بونا رئاکسیا وئریر و اونا ویزا وئرمه‌یه راضی اولور.

زاسیموو سیاسی سیغیناجاق ایسته‌مه‌سینه سبب ایسه هانسی‌سا انتظام تنبهینه گؤره سلاحلی قوه‌لردن خاریج ائدیلمه‌سینی و روتبه‌سینین آشاغی سالینماسینی گؤستریر.

بین‌الخالق عالم‌ده اؤز گوجونو گؤسترمک و قاچاغی نمایشکارانه شکیلده گئری قایتارماق اوچون اس‌اس‌ارای ایرانا مثلی گؤرونممیش تضییقلره باشلاییر.

تهران زاسیمووو تحویل وئرمکدن امتنا ائتسه، مسکوا پول و سلاحلا ایراندا یئرلشن کورد سپاراتچیلارینا و ایران مخالفت‌چیلرینه دستک وئرجیینی بیان ائدیر.

سووئت-ایران سرحدی قاینار نقطه‌یه چئوریلمک تهلوکه‌سی ایله اوزلشیر: اس.اس.ار.ای سرحدده ۱۸۰ مین حربچینی - ۱۹ موتواتیجی، تانک و هوا دسانت دیویزییاسینی، ۴۰۰۰-دن چوخ تانکی، ۵۰۰ قیریجی‌سینی و ۱۵۰ ایستراتژی بمباردمانچی طیاره‌سینی حاضر وضعیته گتیریر.

تهرانا صرفه‌لی اولان ۳ میلیارد دلارلیق مقاویله دایاندیریلیر. ایران تکجه اس.اس.ار.ای-دن ادخال ائدیلن صنایع آوادانلیقلارینی دئییل، هم ده متال و قورو میوه بازارینی ایتیرمک تهلوکه‌سی ایله اوزلشیر. کهنه پست طیاره‌سی و پیلوت بونا دیردیمی؟

ایران رهبرلییی ملی تهلوکه‌سیزلییی ریسکه آتماماق قرارینا گلیر و ۱۹۷۶-جی ایل اوکتیابرین ۲۵-ده والنتین زاسیمووو اکسترادیسیا ائدیر. هئچ بیر حربی-سیاسی سر داشیمایان پیلوت آمریکانی دا ماراقلاندیرمیردی.

آمریکانین تهران‌داکی سفیرلییی سیاسی سیغیناجاق اوچون هئچ بیر مراجعت آلمادیقلارینی بیلدیریر.

ایران‌لیلار بعضی رپوتاسیا ایتکیلرینه معروض قالسالار دا، سووئت اتفاقی ایله مناسبتلرینی جدی شکیلده محکملندیریرلر. ایرانا سووئت تراکتورلارینین، یونگول زیرهلی ماشینلارین و «ایسترلا-۲» هوا هجوموندان مدافعه سیستمینین تداروکونه دایر یاریم میلیارد دلارلیق مقاویله امضالانیر، همچینین طیاره پارکینین یئنی‌لنمه‌سی و ایران‌لی متخصصلرین اس.اس.ار.ای-ده حاضرلانماسی باره‌ده راضیلیغا گلیرلر.

گئری قایتاریلان زاوسیمووو اؤلوم جزاسی گؤزلییردی، لاکین محکمه پیلوتون خدمتلرینی و اونون حربچی یولداشلارینین ایضاحاتینی نظره آلیر. نتیجه‌ده والنتین زاسیموو جنایت مجله‌سینین ۶۴-جو ماده‌سی ایله ۱۲ ایل مدتینه آزادلیقدان محروم ائدیلیر.

او، ۱۹۸۵-جی ایلده واختین‌دان اوچ ایل اول آزاد ائدیلیر. والنتین زاسیموو ۱۹۹۵-جی ایلده وفات ائدیب.