او، بیرباشا خالق آرتیستی آدینی آلان ۳ صنعتکاردان بیری ایدی. صحبت اوکتای آغایئودن گئدیر.

۱۹۳۴-جو ایلده باکی‌دا دونیایا گلن اوکتای آغایئوین اوشاقلیق ایللری محاربه دؤورونه تصادف ائتدیی اوچون چوخ چتین کئچیب. غریبه‌دیر کی، هر کس اونو محض «سن ای اوشاقلیق» ماهنی‌سی ایله خاطیرلاییر. صنعتکارین «یادیندامی اؤتن گونلر»، «قایتار عشقیمی»، «سنین بیرجه تبسومون» کیمی ماهنیلاری دا دیللر ازبریدیر و اوزون مدت کئچمه‌سینه باخمایاراق، هله ده دینلنیلیر.

اوکتای آغایئوین سسی بوتون کئچمیش سوویت رسپوبلیکالاریندا دا سئویلیردی، کنسرتینه یوزلرله اینسان توپلاشیردی.کرمل ساراییندا کنسرت وئرمک هر بیر صنعتکارین آرزوسو ایدی. اوکتای آغایئو ایسه بو آرزونو دوز ۱۱ دفعه گئرچکلشدیرمیی باجارمیشدی.

آغایئو صنعته باشلادیغی ایلک ایللرده رشید بهبودوولا چوخ یاخین دوست ایدی. آنجاق سونرادان - ۱۹۶۸-جی ایلدن ایکی صنعتکار آراسیندا موناسیبتلر سویوماغا باشلاییر. همین ایل آذربایجانلی صنعتکارلاردان عبارت نماینده هئیتی موسکوایا گئدیر. نماینده هیتینین رهبری رشید بهبودوو کنسرتدن اول اوکتای آغایئوه دئییر کی، مشهور ایتالیان ماهنی‌سی «جامایکا»نی اوخوماسین. اوکتای آغایئو رشید بهبودووون فیکری ایله راضیلاشیر و باشقا ماهنینی اوخویور. لاکین ماهنی بیتن کیمی زالداکیلار «جامایکا»، «جامایکا» قیشقیریرلار و مائسترو نیازی گنج آغایئودن همین ماهنینی اوخوماسینی ایستییر. اوکتای آغایئو ایسه نیازییه بیلدیریر کی، بهبودوو اونون بو ماهنینی اوخوماسینی ایستمیر. اوزون موذاکیره و موباحثه‌دن سونرا اوکتای آغایئو «جامایکا»نی اوخویور و آلقیشلارلا قارشی‌لانیر. بو حادثه‌دن سونرا رشید بهبودووون آغایئوه موناسیبتی دییشیر.

داها اطرافلی آخار تی وی-نین تقدیم ائتدیی سوژئت‌ده: