آذربایجان خالق شاعری زلیمخان یعقوب "آیدین یول" قزئتینه موصاحیبه‌سی زامانی سسلندیردیی قوربته دایر فیکیرلری ماراغا سبب اولموش‌دو. او، غوربتدن، یاد اؤلکه‌ده یاشاییب وطن حسرتی ایله یانماقدان دانیشارکن یاد اؤلکه‌نین استتیک گؤزللیینین نه درجه‌ده واله ائدیجی اولماسیندان آسلی اولمایاراق وطن، یورد سئوگیسینین بو گؤزللیگی اوستلدیینی بیلدیریب.

کولت. آذ زلیمخان یاقوبون غوربت حاقین‌دا دئدیکلرینی تقدیم ائدیر:

اوللر یازدیغیم شئیرلرین اکثریتی سئوگیدن، محببت‌دن، گؤزلدن، گؤزل‌لیکدن، طبیعتدن ایدی. اما آلمانییادا یازیلان شعیرلرین چوخو غوربت مؤوضوسوندادیر. غوربت آدامی دهشته گتیریر. آلمانییا نه قدر گؤزل اولسا دا، قوربتین اوزونو گور گؤرسون. وطندن اوزاق قالماق چوخ پیس شئیدیر. الله هئچ کسه گؤسترمه‌سین.

ای غریب مملکت، ای غوربت اؤلکه

دئمه یوللاریمی آزیب گلمیشم.

آلنیما نه یازیب اللهیم بیلر،

من اؤز داستانیمی یازیب گلمیشم.



آرانیم،یایلاغیم، داغیم اوردادی

من بوردا خسته‌یم، ساغیم اوردادی.

ان اودلو، ان ایستی جانیم اوردادی

داملایام، قایادان سیزیب گلمیشم.



آغلادا-آغلادا گولدورمه منی،

اؤزون بیل، اؤزگه‌یه بیلدیرمه منی،

قوربت ائللرده اؤلدورمه منی

وطنده قبریمی قازیب گلمیشم.