آنا صحیفه کولت |
۵۰ ایل اؤنجه عموممیللی لیدر حیدر علیئوین تشببوسو ایله بؤیوک آذربایجان شاعری عماد الدین نسیمینین (۱۳۶۹ - ۱۴۱۷) ۶۰۰ ایللیک یوبیلئیی کئچیریلمیش، بونونلا هم اؤلکهمیزده، هم ده خاریجده اونون حیات و یارادیجیلیغینا ماراق آرتمیشدی. آنا دیلیمیزده یاراتمیش اولدوغو موکمل پوئزییا نمونهلری یوز ایللر بویونجا اوزانلارین، مغام اوستالارینین دیلیندن دوشمهیهرک میللی مدنیتیمیزین اینکیشافینا میسیلسیز تؤهفهلر وئرهن قدرتلی صوفی شاعرین الیازمالارینین تدقیقی همین واختدان اعتباراً گئنیشلنمیش، اثرلری کوتلوی تیراژلا چاپ ائدیلمیشدی.
کولت. آذ خبر وئریر کی، بو سؤزلری آذربایجان رسپوبلیکاسی پرزیدنتینین اجتماعی-سیاسی مسئلهلر اوزره کؤمکچیسی علی حسنوو اؤزونون فیسبوک صحیفهسینده یازیب.
«هر کسه او دا یاخشی معلومدور کی، دؤولت باشچیمیز نسیمی ارثینین معاصر هومانیتار دوشونجهنین طلبلری کونتکستینده آکتواللیغینی، میللی مدنی-معنوی دیرلرین تبلیغی باخیمیندان خصوصی اهمیتینی نظره آلاراق ایچریسینده اولدوغوموز ۲۰۱۹-جو ایلی «نسیمی ایلی» اعلان ائدیب. پرزیدنتین بو سرانجامیندان ایرلی گلهرک ایل عرضینده خالقیمیزین ادبی و فلسفی فیکیر تاریخینده درین ایز قویموش شاعر حاقیندا چوخ سایدا علمی و مدنی تدبیر کئچیریلیب، آراشدیرمالار آپاریلیب، او جملهدن کوتلوی اینفورماسییا واسطهلرینده سانباللی مقالهلر درج اولونوب.
تدبیرلر داوام ائدیر.
ظنیمجه، «نسیمی ایلی»نه گؤزل تؤهفهلردن بیرینی ده یوتوب کانالینداکی حسابینا یئرلشدیردیی سون بستهسی ایله سویداشیمیز، آذربایجان اصیللی بریتانییا صنعتچیسی سامی یوسیف وئردی. اونون «شور» مغامینین لادلاری اوزرینده گزیشهرک عرصهیه گتیردیی «نسیمی» کومپوزیسییاسی سوسیال شبکهلرده قیسا زاماندا پوپولیارلاشدی و بؤیوک رغبتله قارشیلاندی. منتظم اولاراق آذربایجانا گلن، اؤتن ایلین سنتیابریندا حیدر علیئو فوندونون تشکیلاتچیلیغی و مدنیت نازیرلیینین دستیی ایله گئرچکلشن نسیمی- شعیر، اینجهصنعت و معنویات فستیوالیندا ایشتیراک ائتمیش سامی کیمی مشهور، آچیق کنسرتلرینه یوز مینلرله تاماشاچی توپلانان بیر سنتچینین کلاسسیک پویزییامیزین پرستیشکاری اولماسی، معنوی دونیامیزین اینجیلرینی یئنی و پئشکار فورمادا بوتون دونیایا یایماسی، البته، تقدیره لاییقدیر.
اونون خالق چالغی آلتلریمیزین موشاییتی ایله، میللی، کلاسیک و معاصر موسیقی المنتلرینی سینتز ائدرک، خواننده طیار بایرامووون، دیگر صنعت آداملاریمیزین ایفاسیندان، باجاریغیندان اوغورلا یارارلاناراق هازیرلادیغی پارچانی اینترنتین وئردیی ایمکانلار سایهسینده ایشه گلرکن یولدا دینلدیم. بیر دینلییجی کیمی زؤوقومو اوخشادی. اودور کی، تورک دونیاسینین ۷ بؤیوک اوزانیندان بیری ساییلان نسیمینین «سیغمازام» ردیفلی غزلینین بو جور اعجازکار، اوصونلاییجی موسیقییه چئویریلمهسینه امک صرف ائتمیش هر کسه تشککور ائدیر، بؤیوک ممنونیتله ویدئوسونو سیزلرله- اؤز فیسبوک دوستلاریملا پایلاشیرام. پایلاشیرام هم ده اونا گؤره کی، حیدر علیئوین و ایلهام علیئوین نسیمی کیمی تاریخی شخصیتلریمیزی، متفکیرلریمیزی جمعیتیمیزین و بوتون دونیانین نظرینده اوجالتماقلا ایستاندارت مکان قلیبلرینه سیغمادیقلاری بارهده قناعتیمی بیر داها سیزلرله بؤلوشوم»، - علی حسنوو قید ائدیب.
تاریخ
2019.09.10 / 13:46
|
مولف
Axar.az
|