ایران‌دا اوشاقلارا عایید اولان «قئسسئهایئ شبئ پئدر بوزورگ» («قوجا بابانین گئجه ناغیللاری») آدلی کیتاب چاپ ایزنی آلیب.

بو کیتاب اوشاقلارا اینتیهار عملینی نئجه حیاتا کئچیره بیلمه‌لرینی اؤیره‌دیر.

بیر مدت اول ایرشاد ایداره‌سینین خصوصی شیرکتله کیتابلاری سئنزورا ائتمک مقصدی ایله موقاویله(قرارداد) باغلاماسینین اوزه چیخمیش‌دی. او موقاویله‌نین نتیجه‌سین‌ده بو گون اوشاقلارین علین‌ده اینتیهاری اؤیره‌دن بو کیتاب نشره ایجازه وئریلیب. کیتاب علمی یوخ، اینتیهار ائتمیی اوشاقلارا اؤیره‌دیر.

قئید ائدک کی، ایران‌دا چاپ ائدیله‌ن بوتون کیتابلار ایرشاد ایدره‌سین‌دن چاپ ایزنی آلیر. اکثر حاللاردا بیر چوخ کیتابلارا چاپ ایزنی وئریلمیر. آنا دیلی، تاریخ و یا فرهنگیمیزله باغلی اولان کیتابلار دا بونلارا داخیل‌دیر.

دونیانین هئچ بیر یئرین‌ده ایران قدر نشریاتا سئنزورا قویولماسا بئله بو مؤوضودا کیتابین چاپینا ایجازه وئریلمز. بو مؤوضولار اوست-اوسته دوشدویون‌ده ایسه گؤرونور، ایران‌دا سئنزورا مسئله‌سی نه علمه، نه اخلاقا، نه ده منتیقه سیغمیر.