آمریکا و اونون آوروپالی متفقلرینین چین و روسیا ایله گئنیش‌مقیاسلی حربی مناقشه‌یه حاضیرلاشماق اوچون یقین کی، جمعی بیر ایل یاریم واختی وار.

Axar.az خبر وئریر کی، بونو ناتو-نون آوروپادا بیرلشمیش قوه‌لرینین یئنی باش کومان‌دانی آلکسوس گرینکویچ بیلدیریب.

او قید ائدیب کی، ایکی لیدر ۲۰۲۷-جی ایلده کوردیناسییالی هجوما کئچه‌جک:

«اگر چین لیدری سی سزینپین تایوانا هجوم ائتمک قرارینا گلسه، او، بؤیوک احتماللا اؤز آددیملارینی روسیا پرزیدنتی ولادیمیر پوتینله علاقه‌له‌ندیرجک و گلوبال حربی مناقشه‌یه قاپی آچاجاق. فکریمجه، بو او دئمکدیر کی، هر ایکی شی عینی آندا باش وئره بیلر».

اونون سؤزلرینه گؤره، چین و روسیادان ایکی‌قات ضربه یاخینلاشیر و ۲۰۲۷-جی ایل پتنسیال اولاراق بحران ایلی اولا بیلر:

آمریکالی گنرال وورغولاییب کی، حاضیرکی وضعیتده متفقلرین حاضیرلاشماق اوچون چوخ آز واختی وار – جمعی ۱۸ آی. حاضر اولماق اوچون الده ائده بیله‌جییمیز هر بیر تکنیکایا و هر بیر سورساتا احتیاجیمیز اولاجاق".