کابابلار اورتا شرق جوغرافییاسینین وازکئچیلمز یئمکلرین‌دن‌دیر. عربجه‌ده "بیشمیش، قیزارمیش" معناسینی وئره‌ن کاباب، لوغتی معناسین‌دان باشقا، قاز اوزرین‌ده، آتش‌ده و یا قاب ایچین‌ده سوسوز اولاراق بیشیریلمیش ات یئمکلرینه وئریله‌ن عمومی آددیر.

تورکییه متبخین‌ده کابابلار اؤزونخاس شکیل‌ده تقدیم ائدیلیر. بئله کی، تورکییه‌ده آز قالا هر رایونا عایید بیر کاباب وار، اما ان مشهورلاری اؤلکه‌نین جنوب و جنوب-شرقین‌ده اولانلاردیر.

آخار. آز تورکییه‌نین جنوب بؤلگه‌سین‌ده یئرلشه‌ن و اؤلکه‌نین آلتینجی بؤیوک رایونو اولان آدانادان آلمیش کابابی تقدیم ائدیر.

۳۵۰ قرام چکیلمیش دانا اتی،
۳۰۰ قرام چکیلمیش قویون اتی،
۱ دیش ساریمساق،
۲ ادد قورو سوغان،
۱ چای قاشیغی قیرمیزی بیبر،
۱ چای قاشیغی قارا بیبر،
۱ یئمک قاشیغی آجی بیبر سووسو،
یاریم دسته جعفری،
آزجا قویروق و یا کره یاغی.

سوغانلاری خیردا-خیردا دوغرایین، سویونو سوزوب درین بیر قابا تؤکون. ساریمساقلاری ازین، جعفرینی ایسه اینجه-اینجه دوغرایین. چکیلمیش دانا و قویون اتلری، سوغان، ساریمساق، قیرمیزی و قارا بیبرلر، دوز، آجی بیبر سووسو و جعفرینی اوست-اوسته تؤکوب یاخشیجا قاریش‌دیرین. سونرا قاریشیغی سویودوجویا قویوب ۲-۳ ساعتا قدر ساخلایین.

قسساب‌دان آلا بیلجیینیز قویروق و یا کره یاغی ایله سوبانی یاغلایین. سوبانی ۲۰۰ درجه ایسیتدیک‌دن سونرا اتلی قاریشیغین‌دان آلیب اووجونوزلا شیشلره و یا چؤپلره کئچیرین. سونرا شیشلری قیزارتما تئلینین اوزرینه قویون، تخمیناً ۲۰-۲۵ دقیقه بیش‌سین. قیزاریب-بیشدیینه امین اولدوق‌دان سونرا سوفره‌یه وئره و یئیه بیلرسینیز. نوش اولسون!