بو گون ۱ آوگوست (۱۰ مرداد) تبریزین تاریخی اوستواؤرتولو بازارینین قیدیاتا آلینماسینین ایلدؤنومودور.

Axar.az خبر وئریر کی، تبریزین تاریخی اوستواؤرتولو بازاری ۱۹۷۵-جی ایلده رسمی قوروما آلتینا آلینیب، ۲۰۰۸-جی ایلده ایرانین ملی مدنی ارث سیاهیسینا، ۲۰۱۰-جو ایلین ایول-آوگوست آیلاریندا ایسه عموم‌دنیا ارث سیاهیسینا داخیل ائدیلیب.

۱۰۰ هکتار ساحه‌نی احاطه ائد‌ن تاریخی بازار دنیانین ان بؤیوک اوستواؤرتولو و کرپیج‌دن عبارت قاپالی بازار کومپلئکسی‌دیر. بعضی منبع‌لره گؤره، اساسی ۴-جو عصرده قویولوب.

بازاردا ایریلی-خیردالی ۵ مین دکان و تجارت مرکزی وار. بازارداکی دالان، کاروانسارا، راستا (بیر نئچه کیچیک بازارین قووشاغی) و س. یئرلشدیی اراضینین اوزونلوغو ۵ کیلومتردیر. بازاردا ۱۹ تیمچه (عینی محصولو و مالی ساتان کیچیک دکان)، ۸ دالان، ۲۲ راستابازار، ۲۲ کاروانسارا و س. یئرلشیر.

اقتصادی و معمارلیق اهمیتیندن علاوه تبریز بازاری اؤز سوسیال فعال‌لیغی ایله ده مشهوردور. آذربایجان و معاصر ایران تاریخینده باش وئرمیش بیر سیرا مهم تاریخی اولایلار تبریز بازاری ایله بیرباشا باغلی‌دیر.

تبریز بازارینین باغلانماسی کوتلوی اعتراض حساب ائدیلیردی. تبریز بازارینین دایانماسی بوتون زامانلاردا حاکمیتلر اوچون بؤیوک تهلوکه، عصیان سیقنالی حساب اولونوب.