داهی آذربایجان شاعری و متفکیری نظامی گنجوینین «خمسه»سینین ده ("سیرلر خزینه‌سی"، "خسروو و شیرین"، "لیلی و مجنون"، "یئددی گؤزل"، "ایسگندرنامه") لاییحه چرچیوه‌سین‌ده تورکییه تورکجه‌سین‌ده نشری باشا چاتدیریلیب.

آخار. آذ خبر وئریر کی، دکابرین ۶-دا آخوندزاده آدینا آذربایجان میللی کیتابخاناسین‌دا یئنی ایشیق اوزو گؤره‌ن «خمسه»نین تقدیمات مراسی‌می کئچیریلیب.

تدبیرده رسمیلر، تانینمیش علم و ادبیات خادیملری، میللت وکیللری، ایجتیماعیت نماینده‌لری ایشتیراک ائدیب.

تدبیری گیریش سؤزو ایله آچان مدنیت ناظری ابولفس قارایئو بیلدیردی کی، آذربایجان جمعیتین‌ده کیتابا اولان ماراق گئتدیکجه آرتیر: "بو ایل اؤلکه‌میزده، ائل‌جه ده میللی کیتابخانادا کیتابلا باغلی بیر سیرا تدبیرلر کئچیریلیب. اونلاردان بیری ده بو ایل ۶-جی دفعه تشکیل اولونان باکی کیتاب سرگی-یارمارکاسی اولدو. سئویندیریجی حال‌دیر کی، آذربایجان کیتابی تک بیزیم اوخوجولار طرفین‌دن دئییل، بین الخالق عالم‌ده ده تانینیر، موختلیف دیللره ترجمه ائدیله‌رک تقدیم اولونور. بو دا، طبیعی کی، دونیادا آذربایجان کیتابینا ماراغی آرتیریر».

تورکییه‌نین آذربایجان‌داکی سفیری ائرکان اؤزورال قید ائدیب کی، ایکی قارداش اؤلکه‌نین خالقلارینی بیر-بیرینه باغلایان ان محکم باغلاردان بیری ده مدنیت‌دیر: "تورکییه‌ده کلاسسیک ادبیات‌دان سؤز آچارکه‌ن نیظامینین، فضولینین آدینی چکمه‌مک مومکون دئییل. بیز بو شاعرلرین مدنیتیمیزین ان دیرلی پارچالاری اولدوغونو بیلیریک. لاکین آذربایجان ادبیاتینین تورکییه‌ده تانیدیلماسی مقصدیله هله چوخ ایشلر گؤرولمه‌لی‌دیر. ۷۰ ایللیک سووئت دؤورو بو ایکی خالقی بیر-بیرین‌دن آییریب. بیز بیری-بیزیمیزی داها یاخشی تانیماق، داها دا یاخینلاشماق اوچون کئچمیشیمیزی درین‌دن اؤیرنملیگیک. بو گون تقدیماتی کئچیریله‌ن نظامی گنجوینین "خمسه"سی ده بیر-بیریمیزی یاخین‌دان تانیماغا وسیله‌دیر».

قید ائدک کی، نشر اولونان کیتابلارین ایلک نؤوبه‌ده تورکییه‌ده‌کی علمی-کوتلوی کیتابخانالارین، عالی تحصیل اوجاقلارینین و س. عایدیتی قوروملارین کیتاب فوندونا داخیل ائدیلمه‌سی نظرده توتولور.