بو گون گؤرکه‌م‌لی گونئی آذربایجان شاعری مدینه گولگونون آنادان اولماسین‌دان ۹۴ ایل کئچیر. سویادی الکبرزاده اولان مدینه خانیمین "تبریزین باهاری" آدلی ایلک شئیر کیتابی ۱۹۵۰-جی ایلده ایشیق اوزو گؤرموش‌دور.

۱۹۳۸-جی ایلده عائله‌لیکله جنوبی آذربایجانین اردبیل شهرینه کؤچموشلر. سونرا تبریز شهرین‌ده یاشامیش، امک فالیتینه بورادا توخوجولوق کارخاناسین‌دا باشلامیش‌دیر. او، حیاتی درک ائتمه‌یه باشلادیغی آندان آذربایجان خالقینین میللی حقوقلارینین پوزولدوغونون ایانی شاهی‌دی اولور. او، قیسا مدت‌ده عرب قرافیک‌ساینی و فارس دیلینی اؤیرنیر. سونرالار تبریز درام تئاترین‌دا چالیشمیش‌دیر. "آذربایجان" قزئتی رئداک‌سییاسین‌دا خصوصی موخبیر ایشلمیش مدینه گولگون ۱۹۴۵-۱۹۴۶-جی ایللر جنوبی آذربایجان میللی آزادلیق حرکاتینین فعال ایشتیراک‌چی‌سی و اؤز موباریز شئیرلری ایله اؤمرو بویو بوتون همین اینقیلابین جارچی‌سی اولموش‌دور.

مدینه گولگونون ایلک یارادیجی‌لیغی آذربایجان خالقینین آزادلیق و میللی ایستیقلالیت اوغرون‌دا آپاردیغی موباریزه ایللرینه تصادف ائدیر. اونون اثرلری بیر سیرا خاریجی اؤلکه‌لرین دیللرینه ترجومه اولونموش‌دور. دونیا خالقلارینین آزادلیق و ایستیقلالیت اوغرون‌دا موباریزه‌سینی بیر هومانیست شاعر کیمی دایم ایزلمیش، بدیعی یارادیجی‌لیغی ایله اونلارین سسینه سس وئرمیش‌دیر. شاعرین باکی‌دا و موسکوادا "تبریزین باهاری" (۱۹۵۰)، «ساوالانین اتکلرین‌ده» (۱۹۵۰)، «سولهون سسی» (۱۹۵۱)، «یادیگار اوزوک» (۱۹۵۳)، «تبریز قیزی» (۱۹۵۶)، «دونیامیزین صاباحی» (۱۹۷۴)، «دورنالار قایی‌دان‌دا» (۱۹۸۳)، «دونیا شیرین دونیادیر» (۱۹۸۹)، "چینار اولای‌دی"، "آرزو بیر عؤموردور"، "یورا بیلمز یوللار منی" (۱۹۷۸)، "کؤن‌لومو اومیدلر یاشادیر" و اونلارجا دیگر شئیر کیتابی درج اولونموش‌دور. بو کیتابلارین باش‌لیجا مؤوضوسو اینسان، آزادلیق، تبریز هسرتی، هومانیزم، و وتنپرورلیک‌دیر.

مدینه گولگونون شئیرلرینه ماهنیلار بستلنمیش‌دیر. اونون دیللر ازبری اولان ان مشهور شئیری «سن گلمز اولدون» («دورنالار قاییت‌دی») شئیری‌دیر.