یوخاری

خوی‌دا ارمنیلرین تؤرتدیی قیرغینلارین شاهدی اولان داش داروازا

آنا صحیفه کولت
12 Punto 14 Punto 16 Punto 18 Punto

غربی آذربایجان ویلایتینین خوی شهرینین سیموولو اولان داش داروازا اوللر شهرین گیریش قاپی‌سی اولوب. بو داروازا ایله باغلی ماراق‌لی تاریخی فاکتلار وار. خوی جاماعاتی هر گلن قوناغا بو فاکتلاری هوسله دانیشیر. ارمنیلر تاریخ‌ده بیر نئچه دفعه تورکلره قارشی کوتلوی قیرغین تؤردیبلر.

۱۹۱۵-جی ایلده چار روسییاسی ایرانی ترک ائتدیکدن سونرا سلاحلارینی بورادا مسکونلاشدیریلمیش ارمنیلره تحویل وئریرلر. ارمنیلر ایسه داخیل‌ده قارشی‌دورمالار، گرگینلیکلر یاراتماق اوچون بیر نئچه شهرلره هجوم ائدیر. بو گؤردویوموز داروازا خوی شهرینین گیریش داروازاسی‌دیر و داروازادا خوی شهرین‌ده ارمنیلرله دؤیوشون یادیگاری اولان گوله ایزلری هله ده قالماق‌دادیر.

اصلین‌ده روسییا ایمپئرییاسینین مقصدی بو تورپاقلاردا محکه‌مله‌نمک اولوب. روسییانین ارمنیلردن ایستیفاده ائد‌رک ایران‌دا محکه‌مله‌نمک پلانین‌دان ان چوخ اذیت چکه‌ن ده سویداشلاریمیزدیر. اورمییا و سلماس‌دا آذربایجان‌لیلارا قارشی قیرغینلار خصوصی آمان‌سیزلیقلا حیاتا کئچیریلیب. «بؤیوک ارمنیستان» یاراتماق عشقینه دوشن ارمنیلر خوی شهرینی اله کئچیرمک و بورادا محکه‌مله‌نمک مقصدیله بؤیوک حربی قوه توپلاییر و شهره هجوم ائدیرلر. بیر نئچه گون داوام ائد‌ن قانلی توققوشمالاردان سونرا ارمنیلر بؤیوک ایتکی ایله گئری چکیلمه‌لی اولورلار.

خوی اهالی‌سی بو غروروئریجی فاکتی چوخ بؤیوک هوسله هامییا دانیشیر. ارمنیلرله قانلی دؤیوشلر باره‌ده صحبتلری بو دؤیوشلرین جانلی شاهیدلرینین دیلیندن ائشیدن سویداشلاریمیز دا وار.

داروازانین اوزرینده‌کی ایکی شیر سیموولونا آتیلمیش گوله ایزلری بونو ثبوت ائدیر. بو سیمووللار تورپاغی قوروماق، گوج، شجاعت معناسی داشیییر.

خویون ۴ داش داروازاسی اولوب. او بیریلری محو ائدیلیب. یالنیز جنوبا طرف اولان بو داش داروازا قورونوب ساخلانیلا بیلیب. الخانیلر دؤورون‌ده دوزلیب، سونرا ایسه قاجارلار دؤورون‌ده یئنی‌دن برپا ائدیلیب.

ایرانین مدنی ارثلرین قورونماسی تشکیلاتینین خوی شهری اوزره ایداره‌سینین امکداشی اولان رضا بایرامزادنین سؤزلرینه گؤره، خوی داروازاسی الخانیلر دؤورون‌ده تیکیلیب. قاجارلار دؤورونده برپا ائدیلیب. تاریخچینین سؤزلرینه گؤره، بو گیریش قاپیسین‌دان باشلایاراق مرکزه کیمی اوزانان خویون مشهور اوستو اؤرتولو بازارینی ایسه شاه تهماسیب تیکدیریب. بو بازارین صفویلر دؤورونده تیکیلدیینی ثبوت ائد‌ن داش یازی حاضردا موزئی‌ده قورونور. بازارین اوزونلوغونون کبه یاخینلیغین‌داکی صفا و مروه داغلاری آراسین‌داکی مسافه‌یه برابر اولدوغو دئییلیر.

خوی ایرانین آذربایجانلیلارین اکثریت تشکیل ائتدیی شهرلریندن بیریدیر. بورا هم ده گؤرکملی دؤولت خادیمی فتحعلی خان خویسکینین آتا یوردودور. خویون بیر تاریخی اؤزل‌لیگی ده شاه ایسماییل ایله یاووز سلطان سلیم آراسین‌داکی چالدیران دؤیوشونون بو اراضی‌ده باش وئرمه‌سی‌دیر. ۱۸-جی عصرده بو اراضیلرده یارانان آذربایجان خان‌لیقلارین‌دان بیری ده خوی خانلیغی اولوب. خانلیغینین اساسینی مشهور دونبولی طایفه باشچیلاری قویوب.

تاریخ
2020.04.14 / 21:41
مولف
آینورا مممدووا
شرح لر
دیگر خبرلر

مشهور برئند آدلاری: بئله یارانیب...

آمازونلارین آذربایجان‌دا موجودلوغونون داها بیر ثبوتو-فوتو

دونیانین ان غریبه موزه‌لری…

آناسینین «فریده»-سی، صحنه‌میزین نرمینه‌سی…

گونئی آذربایجان‌دا ملی رقصیمیز نماییش ائتدیریلدی - ویدئو

بو گون بین‌الخالق تئاتر گونودور

تاختا پارچاسی ۷۱۹ مین دلارا ساتیلدی

عرق، سرروز و سون رول - سمندر رضایئوین عمور یولو

آذربایجان کمدییاسینین بانیسی: ثابت رحمان

دونیانی حیرته گتیرن آذربایجان‌لی: اؤلنده نوه‌سینین ۱۰۰ یاشی واردی...

خبر خطّی
Axar.az'da reklam Bağla
Reklam
Bize yazin Bağla