Axar.az
یوخاری
6 اییول 2020


اورمونون آدلیم آشیقلارین‌دان بیری عزیز مرادخانی

آنا صحیفه کولت
12 Punto 14 Punto 16 Punto 18 Punto

اورمو شهرینین آدلیم آشیقلاریندان اولان سامیرتیلی آشیق عزیز مرادخان ۱۳۰۱- جی ایلده اورمونون ((دول)) ماهالیندا یئرلشن سامیرتی کندینده دونیایا گؤز آچدی. اونون آتاسی حسن، آناسی ایسه دیلبر خانیم ایدی. دول ماهالینین کئچمیشلردن بری آشیق اوجاقی و ساز-سؤز بئشیگی اولدوقونا گؤره، آشیق عزیزده ­­ده دول ماهالینین بو خصوصییتی تأثیر قویدو.

آشیق عزیز یئنی یئتمه چاغلاریندان سسینین گؤزل اولدوقونا گؤره توی مراسیملرینه اوخویان(خواننده) کیمی قاتیلیردی. او گئنج چاغلاریندا اکینچی­لیکله برابر، اورمودا اولان توی شنلیکلرینه قاتیلیب سسی ایله او توی مجلسلرینه بزک وئریردی. بو ایش، آشیق عزیزین آشیق فرهاد ایله تانیش اولماسی گونونه قدر دوام تاپدی. آما رحمتلیک آشیق فرهاد ایله عزیز گؤروشدوک دن سونرا اوستاد فرهاد اونون استعدادینی، گؤزل سسینی و گوجلو حافظه ­سینی گؤردوک ده، اونو اؤزونه شاگیرد(اویره‌نجی) قبول ائدیر. آشیق فرهادین یانینا گئدن و اونا خیدمت ائدن آشیق عزیز، فرهادین شیوه ­سی و پنجه ­سینی اؤیره‌نیب اورمودا بیر اوستاد آشیق کیمی تانیندی. عزیز،آشیق هاوالاری و آشیق داستانلارینی اؤیره‌ندیک دن سونرا، آشیقلیق ایله مشغول اولور. مختلف توی و شنلیک مراسملرینه قاتیلیر. اورمو میللتی ده چوخلو اونو مجلسلرینه و توی شنلیکلرینه دعوت ائدیردیلر.

او، چالدیقی هاوالاردا آشیق فرهادین یولونون داوامچیسی اولموشدور. آشیق عزیز توی-شنلیک مراسملریندن علاوه، هم ده اورمو رادیوسوندا بایراملاردا و مختلف وئرلیشلرده چیخیش ائدرکن، غربی آذربایجان میلاتینین ائولرینه رادیو واسطه­ سی ایله قوناق اولوردو.

اوستادی آشیق فرهادی یادلارا سالان عزیز، دئییلنلره گؤره اونون تکجه شاگردی و یا ان آزی اونون یولونون دوامچیسی اولان تکجه شاگیردی ایمیش. آشیق عزیز گؤزل و ملاحتلی سسی ایله هله ­ده اورمو آشیق صنعتی سئونلرینین ذهنینده و یادداشیندا خوش خاطره ­لر و افسوسلار ایله آنلانیر. آشیق فرهادین ان ماهیر و ان اوستاد شاگیردی اولان آشیق عزیز، حیاتی بویو یانلیز بیر شاگیرد یئتیره بیلدی، اودا ((جبللی آشیق عابباسعلی)) ایدی. آشیق عابباسعلی ­ده اوستادی کیمی، تئز و واختسیز بو دونیادان کؤچور و اونون دونیادان کؤچمه ­سی ایله برابر آذربایجان و اورمونون ان گؤزل، ان دویغولو و ان اینجه آشیق سبکی اولان ((دول سبکی)) قارا تورپاقا قاریشیر. ایندیلرده ­ده(ایندی) اولدوغو کیمی، قدیملر اورمو شهرینده هر آشیق بیر چایخانا و قهوه­خانایا گئدیب اورادا چالیب اوخویارمیش. آشیق عزیز ده ایندیکی مهاباد خیابانی آدلانان و قدیملر اوردا یئرلشن سید حسن مسافرخانا و قهوه­خاناسینا گئدیب اورا گلن ساز هوسکارلارینی گؤزل سسی و سازی ایله یولا سالارمیش.

آشیق عزیزین هنر و صنعت عالمینده فعالیتلری و چالیشیقلاری آردیجیل اولاراق دوام ائدیردی، آمما اونون *آسم* خسته ­لیگینه مبتلا اولماسی(بعضیلرین دئدیگینه گؤره آشیق عزیز بیر مدت دگیرمانچی اولوب و بو ایشین سببیندن آسم توتموشدور) ایشلری تام ترسینه چئویریب اوستاد آشیقین سسینده بیر پارا موشکوللر یاراتدی. او عؤمرونون سون ایللرینی، بو خسته ­لیکله موبارزه­ ده گئچیردی و نهایت ۷/۱۰/۱۳۵۱ تاریخینده هله اورتا یاشلارینا یئنی قدم قویموش بیر حالدا بو خسته ­لیگه تسلیم اولدو و گؤزلرینی بو دونیادان یومدو. بو سئویملی خالق صنعتکاری و ائل آشیقینی سامیرتی کندینین قبریستانیندا، آتاسینین مزاری یانیندا تورپاقا تاپشیردیلار. اونون وفاتیندان ۴۰ ایل کئچمه ­سینه باخمایاراق، اینانیریق، اونون روحو هله ده، بو شهرده دولانیر و اؤلمه­ ییب و هله­ ده اؤز سبکینی و اونونلا برابر مکتبینی بو یولا آیاق باسان بیر کیمسه ­نین وجودوندا گؤرمک ایسته ­ییر. نه قدر اورمو وار، بو اوستادین دا آدی دئییله­ جک و بو شهرین آدلیملاری سیراسیندان آدی سیلینمه یجک.

تاریخ
2020.06.03 / 22:19
مولف
Axar.az
شرح لر
دیگر خبرلر

اوشودوم ها اوشودوم... - شعیر

ایکی مشهور قادینی اوز-اوزه قویان گونئی‌لی میلیاردر -دوسیه

آذربایجان‌لی شاعر اکبر قوشالی تلطیف اولون‌دو

داهی جلیل مممدقولوزاده‌یه نیه اؤلوم فتواسی وئریلمییشدی

قاجار ائتنونی‌می حاقین‌دا -آقافیس، آغاچری، قجرچی، قاجار...

دونیانین ان قدیم تاریخی عابده‌لریندن بیری - آیاصوفیا

توران عشقی» کیتابی تورک دیلین‌ده آذربایجان‌دا نشر اولوندو

کوروناویروسا حصر اولونان فیلم چکیلیر

شابان کنان ائوره‌نله - ۳۱ ایل اول چکیله‌ن فوتو موذاکیره یاراتدی

«اوبئر»این آذربایجان‌لی رهبری دارا خسرووشاهینین اوغور یولو

خبر خطّی
 
Axar.az'da reklam Bağla
Reklam
Bize yazin Bağla