«آغلاتان کافه»نین حکایه‌سی چوخ،اما چوخ اوزاقلارا دایانیر - یئر و مکان دقیق بللی دئییل. اوزون ایللردیر ایفا ائدیلیر بو سؤزسوز موسیقی…. نوتلار آنلادیر یاشانان دویگولاری و او، امکانسیز، اما بیر او قدر ده توتقولو اولان بیر سئودانی...و بئله باشلاییب قافقازدا یاشانان بو امکانسیز و بیر او قدر ده آجیلی عشق حکایه‌سی...

شامیل آدینداکی بیر چرکز دلیقانلی‌سی بیر گون اشتراک ائتدیی توی مجلیسینده آکاردئون چالارکن گنچ و گؤزل بیر قیز گؤرور. قیزی گؤرر- گؤرمز عاشق اولان گنجین الی آیاغینا دولاشیر و ایفا ائتدیی موسیقینین نوتلاری بیر -بیرینه قاریشیر. توی بیتدیکدن سونرا شامیل گنچ قیزین آدینی و اونونلا عینی کنددن اولمادیغیی اؤیرنیر. قیز عایلسیله بیرلیکده چیخیب گئدیر. بو گؤزل قیزین آدی جانستدیر.

گنج عاشق ایچینه قاپانیر و آتییلا بیرلیکتده هر گون کند-کند گزیب جانستی آختارماغا باشلاییر. اوزون بیر مدتدن سونرا شامیل بیر گون بیر کند بولاگینین باشیندا جانستی گؤرور و اونو ایزله‌یرک ائولرینین یئرینی اؤیرنیر. آخشاما کیمی گؤزله‌ین گنج ، نهایت کی، جسارتلنرک قیزگیلین قاپیسینی دؤیور. قاپینی گنچ قیز آچیر. شامیل جانستدن عائله‌سینین ائوده اولوب –اولمادیغینی سوروشور و گنچ قیزین دعوتیله ایچری گیریر.

جانستین آتاسینین قارشی‌سیندا اوتوران شامیل اوندان قیزینی ایستیر. قفیل تکلیفدن چاش-باش قالان آتا اونون کیملردن اولدوغونو و هانسی صنعت صاحبی اولدوغونو سورار.

آکاردیون ایفاچیسی اولدوگونو دئین گنج، قیزین آتاسینین سرت تپکیسیله قارشیلاشیر و رد جوابی آلدیقدان سونرا مایوس حالدا اورانی ترک ائدر. قاپیدان چیخارکن چاره‌سیز باخیشلارلا سون دفعه بیر-بیرلرینه باخارلار.

بو حادثه‌دن چوخ کدرلنن شامیل اؤزونو ائوه قاپادیر و موسیقینی ترک ائدیر.

آرادان آیلار کئچیر. بیر گون اونون قاپیسی دؤیولور و عمی‌سی کندده توی اولدوغونو، لاکین موسیقیچی اولمادیغینی و اونا چوخ احتیاج اولدوغونو دئییر. عمی‌سینین سؤزونو یئره سالا بیلمه‌ین گنج اوغلان تویا گئدیر و موسیقی ایفا ائتمه‌یه باشلاییر.

آلقیش سدالاری آلتیندا بی و گلین مجلیسه داخل اولور. آتین اوزرینده سئودیی قیز - جانست اوتورموشدو. اونونلا گؤز- گؤزه گلن شامیلین دنیاسی باشینا ییخیلیر و گؤز یاشلاری ایچری‌سینده اولان هر ایکیسی – بیری کدرلی نوتلارلا بو ماهنینی چالماغا باشلاییر، دیگری ایسه رقص ائتمه‌یه . «آغلادان رقص» –هامینین قلبینی تیتردن بو موسیقی بئله یارانار..