حال-حاضردا نارین و شابالیدین مؤسومودور، بو یئمیی بیشیرمه‌نین اصل واختیدیر.

Kult.az بیلدیریر کی،بو یئمیین وطنی گؤیچای‌دیر.

نار قووورما هند تویوغو و یا مال اتیندن ده حاضرلانا بیلر. بو تامین خصوصی اؤزللییی ایسه اونا تزه نار دنه‌لرینین وورولماسیدیر. نار دنه‌لرینین ده علاوه ائدیلدیی قووورما پلوولا و یا تک حالدا سفره‌یه وئریلیر.

ترکیبی:

- ۱ عدد چولپا

- ۱ عدد نارین دنه‌سی

- نار شیره‌سی

- یاغ

- ۱ عدد اورتا بوی سوغان

- ۱۰۰ گر شابالید

- ساریکؤک

- دوز، ایستیوت

حاضرلانماسی:

چولپا تمیزلنیب، حیصه‌لره بؤلونور. سوغان اینجه شکیلده دوغرانیب یاغدا قوورولور، اوزرینه چولپا علاوه ائدیله‌رک، هر طرفی قیزیلی رنگی آلانادک قیزاردیلیر. چولپا بیشدیکدن سونرا تاوایا تمیزلنمیش شابالید، ساریکؤک، دوز و ایستیوت علاوه ائدیلیر، قاریشدیریلاراق بیشیریلیر. یئمیین بیشمه‌سینه بیر آز قالمیش اوزرینه نار دنه‌لرینی گزدیریلیب، اؤز بوخاریندا بیشمه‌یه قویولور.

مصلحت: تویوق اتینین یئرینه قوزو اتینین سوموکسوز حیسه‌سینی، نار شیره‌سینین یئرینه ایسه نار ازمه‌سی ایستیفاده ائده بیلرسینیز. هر بیر حالدا یئمک چوخ دادلی آلیناجاقدیر.

قید: بو یئمک قالدیقجا نار قارالدیغینا گؤره، بونو بیشدیکدن سونرا همان یئمک مصلحتدیر. اگر سونرا یئمک اوچون بیشیریرسینیزسه، اونرا ناری سفره‌یه وئرمزدن اول قازانا علاوه ائدیب بیشیرین. و یاخود، ناری هئچ بیشیرمه‌سه‌نیز ده اولار. بیر قابا قویون کی، هر کس ایستدیی قدر ایستی یئمیینه نار علاوه ائتسین.