فیلیسطین اصیللی آمریکالی مدل گیگی حدید بیر نئچه گون اؤنجه اسرائیلی فیلیسطینلی اوشاقلارا قارشی جینایتلر تؤرتمکده اتهام ائتمیشدی. مدل سؤزوگئدن ایفادهلرینه گؤره عذر ایستهییب.
Kult.az خبر وئریر کی، بو بارهده "پاگ سیخ" معلومات یاییب.
مدل اؤزونون اینستاگرام صحیفهسینده اسرائیل دؤلتینی آدام اوغورلوغو، ایشگهنجه، زورلاما و س. فیلیسطینلی اوشاقلارا قارشی وحشیلیکده اتهام ائدیب و اسرائیلی اوشاقلاری حربی اسیر کیمی ساخلایان یگانه اؤلکه آدلاندیریب.
آنجاق گیگی حدید بو پایلاشیمینی گؤزلنیلمهدن سیلهرک، یئنی آچیقلاما وئریب:
"من اسرائیل حاکمیتینین بینالخالق حقوقو نئجه پوزدوغونا دقت چکمک ایستدیم. بو حالدا من وورغولاماغا چالیشیردیم کی، فیلیسطینلی اوشاقلار چوخ واخت اوخشار جینایتلرده اتهام اولونان اسرائیللی اوشاقلارلا عینی حقوقلارا مالیک دئییللر. تأسف کی، بو فکری سؤیلهمک اوچون پیس بیر نمونهدن ایستیفاده ائتدیم و بونا گؤره تأسفلنیرم".
خاطیرلاداق کی، اوکتیابرین ۲۷-ده گیگی حدیدین باجیسی بللا حدید ده هماس-این قزا زولاغی ایله هم سرحد اولان اسرائیل اراضیلرینه هجوملاریندان دانیشیب.
او، قزا زولاغیندا باش وئرنلرله باغلی ناراحاتلیغیندان بیلدیریب و دینج ساکینلره قارشی ترور آکتلارینی پیسلهییب.