بو گون امکدار آرتیست نجیبه بهبودووانین آنیم گونودور.

Kult.az خبر وئریر کی، نجیبه مجید قیزی بهبودووا ۶ یانوار ۱۹۱۴-جو ایلده تیفلیس‌ده آنادان اولوب.

او، تانینمیش موغه‌ننی رشید ئهبودووون بؤیوک باجی‌سیدیر. آتاسی مجید بهبودوو ائل خاننده‌سی کیمی تانینیب. آناسی فیروزه وکیلووا ایسه معلمه ایشله‌ییب. آلتی یاشیندا اولاندا تیفلیس‌ده‌کی امک مکتبینه گئدیب. نجیبه خانیم دوققوز یاشیندا اولان‌دا مکتبده اوخوماقلا یاناشی، نریمان نریمانوو آدینا کلوبون درام و رقص درنکلرینه عضو اولوب. مکتبی ۱۹۳۰-جو ایلده بیتیریب.

۱۹۳۱-جی ایلده باکییا گلیب و بوردا هیدرولوگییا تکنیکومونا داخیل اولوب. دینلییجی کیمی بولبولون کونسرواتورییاداکی صینفینه گئدیب و ووکال ایفاچیلیغینین معین پشه‌کارلیق خصوصیتلرینه ییلنیب. حتی کنسرتلرده موغه‌ننی کیمی چیخیش ائدیب. لاکین ۱۹۳۳-جو ایلده آناسی رحمته گئتدیی اوچون تیفلیسه قاییدیب. بیر مدتدن سونرا میرزا فتحعلی آخوندزاده آدینا تیفلیس آذربایجان تئاترینین تروپپاسینا داخیل اولوب. اولجه تماشالارا دعوتلی آکتریسا کیمی چیخیش ائدیب. ۱۹۳۷- ۱۹۳۹-جو ایللرده تئاترین آکتیور ایشتاتیندا اولوب.

آکتریسا ۱۹۴۰-جی ایلده یئنیدن تیفلیس تئاترینا دعوت ائدیلیب. ۱۹۴۱-۱۹۴۵-جی ایللرده‌کی بؤیوک وطن محاربه‌سی دؤورونده هم تئاتردا آکتریسالیق ائدیب، هم ده بیر سیرا مدنی-معاریف موسسه‌لرینده یئنی‌یئتمه‌لرین اینجه‌صنعته ییه‌له‌نمه‌لری ساحه‌سین‌ده ثمره‌لی ایشلر گؤروب. نجیبه بهبودووا تیفلیس تئاتریندا رپرتوارین‌داکی سانباللی تماشالاردا چیخیش ائدیب.

۱۹۴۷-جی ایلده نجیبه بهبودووا باکییا گلیب و آذربایجان دؤلت موسیقی‌لی کمدییا تئاترینین تروپپاسینا قبول ائدیلیب. تیپیک معیشت پرسوناژلارینی خصوصی شؤقله اویناییب.

نجیبه بهبودووا «اولدوز» (تمام)، «آرا قاریشدیرانلار» (سونا خالا)، «بیین اوغورلانماسی» (بیبی‌خانیم)، «فریاد» (ارمنی آخچی‌سی) فیلملرینده چکیلیب. تئاتر صنعتینده‌کی خیدمتلرینه گؤره ۱۹۷۴-جو ایلده «امکدار آرتیست فخری آدینا لاییق گؤرولوب.

آکتریسا ۱۹۹۹-جو ایل دکابرین ۷-ده باکی‌دا وفات ائدیب.