نئجه اولوب کی، اولو بابالاریمیز «آند ایچیرم» دئییردیلر؟

Kult.az «بئله یارانیب» روبریکاسیندا «آند ایچیرم» سؤزو ایله باغلی ماراقلی معلوماتی دقتینیزه چاتدیریر:

قدیم تورک و مغول دیللرینده آندا و یا آنداکار آدلی مقدس بیر ایچکی وار ایدی. آندا ایچینه قان قاتیلمیش سوده دئییلیردی. ایکی نفر بیر قابین ایچریسینده‌کی سوده بیلکلرینی کسیب، قانلارینی داملادار و بو قاریشیمی ایچیب قان قارداشی اولاردیلار.

قان قارداشی بیولوژی قارداشدان داها یوکسک، داها اعتبارلی قارداشلیق حساب اولونوردو. آنداکار ایچدیکدن سونرا اوندان دؤنمک هم گناه، هم شرفسیزلیک ساییلیردی. سونرالار قان قارداشی اولماق اوچون بیلکلری کسیب قانی بیر-بیرینه سورتمک یئترلی حساب اولونوردو. بو، هم ده آند ایچمک ساییلدی. باخ، بئله‌جه دیلیمیزده «آند ایچمک» آدلی بیر افاده یارانیب.