بو گون خالق شاعری قابیلین آنیم گونودور.

Kult.az قابیل حاقین‌دا ماراقلی فاکتلاری تقدیم ائدیر:

قابیل آللاهوئردی اوغلو امام‌وئردیئو ۱۲ آوگوست ۱۹۲۶-جی ایلده باکی شهرینده آنادان اولوب. آذربایجان دولت پداگوژی اینستیتوتونون دیل و ادبیات فاکولته‌سینی بیتیریب.

یارادیجیلیغا ۱۹۴۴-جو ایلده "گل، بهاریم" شعیری ایله باشلایان شاعرین شعیرلریندن عبارت ایلک توپلو "سحر آچیلیر" آدی ایله ۱۹۵۰-جی ایلده چاپ اولونوب. اونون "منیم ماوی خزریم"، "عمروم بویو"، "کولکلی هاوالاردا"، "قوی دانیشسین طبیعت"، "وطنداش سرنیشینلر"، "نسیمی"، "عمرون حبلری"، "الاهی قیسمتی"، "دوستلاریم، تانیشلاریم" و س. کیتابلاری اوخوجولار طرفیندن بؤیوک ماراقلا قارشیلانیب.

دئییلنه گؤره، او، حدیندن آرتیق حوصله‌سیز آدام اولوب. حتی، یاخین اطرافی اونو عصبی آدام حساب ائدیردی. اوغلو ماهر قابیل‌وغلو مصاحیبه‌لرینین بیرینده دئییر:

«سؤزونه دوز آدام ایدی، اما عصبی‌لییی، حوصله‌سیزلییی واردی. ائوین تک اوشاغی اولدوغومدان مکتب‌ده کئچیریلن هر هانسی بیر تدبیرده اشتراک ائتمه‌یه، یاخود دا صینیف رهبرینین باشچی‌لیغی ایله رایونا پیکنیکه گئتمه‌یه اجازه وئرمیردی».

او، شاعر موسی یعقوبلا یاخین دوست ایدی. قابیل هم ده موسی یعقوبون مشهورلاشماسیندا اونا یاردیمچی اولوب.

قابیلین چوخ یاخشی یومور حسی اولوب. اونونلا باغلی لطیفه‌لر ایسه آیری عالم‌دیر. بو لطیفه‌لرله باغلی اسماعیل شیخلی‌نین "دوستوم قابیلین غریبه احوالاتلاری" و شاعرین اوغلو ماهر قابیل‌اوغلونون "آتامین غریبه احوالاتلاری" آدلی کتابلاری چاپ اولونوب.

اس.اس.ار.ای یازیچیلار اتفاقینا صمد وورغونون ضمانتی ایله عضو قبول ائدیلیب.

خالق یازیچی‌سی گولحسین حسین اوغلو سیبیردن قاییداندان سونرا قورخودان هئچ کس اونونلا دوستلوق ائتمیرمیش. قابیل گونلرین بیرینده یازیچی ایله راستلاشیر، جیبیندن اوچ یوز مانات چیخاریب اونا باغیشلاییر.

اوغلو ماهر مصاحیبه‌لرینین بیرینده دئییر: «۲۰۰۳-جو ایلده پرزیدنت حیدر علیئودن خواهیش ائتدی. او دا تئزلیکله ائوله تعمین ائتدی. یئنی ائوده جمعی ایکی ایل یاشادی. آتام اؤلدویو گون یاخشی بازارلیق ائلتدیردی منه. آخشام شام ائد‌نده ایچکی ایسته‌دی. بیر باده سوزدوم. الینه گؤتوروب «ایچسم، اؤلمره‌م کی؟» دئیه سوروشدو. اوستوندن بئش دقیقه کئچمه‌دی کی، حالی پیسلشدی. گئجه ساعت ۱۲-ده کئچیندی».

گؤرکملی شاعر ۴ آپرل ۲۰۰۷-جی ایلده باکی‌دا وفات ائدیب و ۱-جی فخری خیاباندا دفن ائدیلیب.