شرقی آذربایجان ایالتینین «سهند» تلویزییا کانالی آذربایجان آشیق هاوالارینین ایفا ائدیلدیی گؤرونتولرین یاییملانماسینا اجازه وئرمه‌ییب.

Kult.az خبر وئریر کی، بو باره‌ده تبریزین «آذرانجمن» نشری معلوامت یاییب.

بیلدیریلیب کی، آشیق ماهنی‌سینین افاسی زمانی ویدئو عوضینه ساز موسیقی آلتینین گؤرونمدیی فوتو گؤستریلیب.

تبریزین یئرلی نشری بونو «سهند» تلویزییاسیندا «آریا»چی ( پانفارسیست جریان) کادرلارین ایشه گؤتورولمه‌سی ایله علاقه‌لندیریب.

قید ائدک کی، اؤنجه‌لر ده آذربایجان دیلی، موسیقی‌سی و مدنیتی ایله باغلی بیر سیرا تحریفلره یول وئریلیب. بو کیمی حاللار خصوصاً پانفارسیست و فارس میللتچیلیینه باغلی شخصلرین «سهند» تلویزییاسیندا ایشه جلب ائدیلمه‌لریندن سونرا داها دا آرتیب. بوندان اول بئله حاللارین باش وئرمه‌سینه و تلویزییا کانالین‌دا فارس ملتچیلیینی تبلیغ ائد‌ن شخصلرین ایشه گؤتورولمه‌سینه اعتراضلار ائدیلمیشدی.