آنا صحیفه کولت |
بو گون تانینمیش شاعر توفیق بایرامین آنیم گونودور
Kult.az امکدار اینجسنت خادیمی توفیق بایرام حاقیندا ماراقلی فاکتلاری تقدیم ائدیر:
توفیق غلام اوغلو بایراموو ۱۹۳۴-جو ایل دکابرین ۱۶-دا باکی شهرینده آنادان اولوب. بورادا اورتا مکتبی بیتیردیکدن سونرا آآذربایچان پداگوژی اینستیتونون تاریخ فاکولتهسینده تحصیل آلیب.
«سیزی دوشونورهم» آدلی ایلک کیتابی ۱۹۶۴-جو ایلده چیخیب.
ایچکینی سئوهن آدام اولوب. عینی زاماندا مهریبان، قلبی تمیز، زارافاتجیل اولدوغونو دئییرلر. توفیق بایرامین شاعر دوستلارینین آدینا دوردوغو یئرده قافیهلر قوشماق کیمی عادتی ده اولوب.
گوجلو یومور حسینه مالیک اولان توفیق بایرام مشهور آدام اولدوغو اوچون ائرمهنیلر اونون تریبونایا چیخماغینی، دانیشماغینی ایستهمهییبلر. و اونو اؤلدورمک مقصدی ایله ده توفیق بی خانکندینده اولاندا اونون ایچکیسینه زهر قاتیب، زهرلهمک ایستییرلر. توفیق بایرام زهرلنسه ده، حیاتینی خلاص ائتمک ممکن اولور. دوستلاری بیلن کیمی انجام چکیب اونون حیاتینی خلاص ائدیرلر.
توفیق بایرام شاعر اولماقلا یاناشی، ناشیر، ترجمهچی، ماهنی متنلرینین مؤلفی و اوپرا و بالت تئاتریندا بدیعی رهبر ده ایشلهییب.
توفیق چوخ ائرکهن، ۲۱ یاشیندا بیر صنفده اوخودوغو ظریفه آدلی خانیملا عائله قوروب. حیات یولداشی ظریفه خانمی چوخ سئویب. توفیق سیلسیله محبت شعیرلرینی اونا حصر ائدیب.
تئاتردا بدیعی رهبر ایشلهیهنده سئودا آیدان آدلی بیر تورک آکتریساسینا وورولور. اونا ان گؤزل شعیرینی حصر ائدیر.
سئودا همین شعیری تورکییهیه آپاریر. او شعیر قیسا مدتده سئویلهرک، دیللر ازبری اولور.
شعیره گؤره توفیقین باشی چوخ ظلملر چکیر. شعیر تورکییهده چاپ اولوناندان سونرا اس.اس.ار.ای-نین اوراداکی سفیری بو بارهده مسکوایا خبر وئریر. اورادان دا آذربایجانین ک.گ.ب-سینه زنگ ووروب بیلدیریرلر کی، بس سیزده بیر شاعر وار، او نئجه جورت ائدیب تورک قیزینا «جانی جانیمداندیر، قانی قانیمدان…» یازا بیلیر. ۱۹۶۴-جو ایلده بو جور جملهلر قورماغین اؤزو بئله تهلوکهلی ایدی.
سئودانی سئوهنده توفیقین ۳۰ یاشی اولوب. خانیمی دا بو سئوگیدن خبردار اولوب و مسئلهنی چوخ دا ساکیت قارشیلاییب. دئییب کی، من فخر ائدیرهم کی، قادینلار منیم یولداشیمی سئویر.
پولاد بولبولوغلو ایله محکم دوست اولوبلار. لاکین، ایش ائله گتیریر کی، سونرالار بو دوستلوق پوزولور. حتی، وضعیت او حده چاتیر کی، پولاد توفیقین خستهلیک واختی اونون یانینا گئتمیر. یالنیز اؤلوموندن سونرا اونون ائوینه آیاق قویور. لاکین باجیسی سوئتلانا بایرامووا اونا قاپینی گؤستریر.
او اصل باکیلیلار کیمی مرد، سؤزو اوزه دئیهن، حقیقت طرفداری بیر اینسان اولوب. هئچ واخت کممونیست پارتییاسینین عضوو اولماییب.
۱۹۹۱-جی ایلین، آپرئل آییندا توفیق بایرام صحتیندهکی ناراحاتلیقلارا گؤره خستهخانایا دوشور و بیر نئچه گوندن سونرا آپرلین ۱۹-دا وفات ائدیر. باکینین امیرجان کندینده دفن اولونور.
تاریخ
2024.04.19 / 14:11
|
مولف
اسماعیلووا سوزانا
|