هر ایل آپرلین ۳۰-او دنیادا بین‌الخالق جاز گونو کیمی قید ائدیلیر.

Kult.az خبر وئریر کی، ۲۰۱۲-جی ایلده یونسکو طرفیندن اعلان ائدیلن بو گون دونیانین جازسئور اؤلکه‌لرینده کئچیریلن کنسرت پروگراملاری ایله یاددا قالیر.

علامتدار گون هر ایل دنیانین ۱۹۰-دک اؤلکه‌سینده قید اولونور. بین‌الخالق جاز گونو مناسیبتیله دییرمی ماسالار، جاز ایمپروویزه‌لرینه دایر استاد درسلری، هابئله جاز موضوع‌سو ایله باغلی مختلیف تدبیرلر تشکیل اولونور. بو تدبیرلر جازین وطنی حساب ائدیلن یئنی اورلئانین کونگو میدانیندا خصوصی کنسرت پروگرامی ایله داوام ائتدیریلیر.

دنیادا آذربایجان جازینین اؤزونه‌مخصوص یئری وار. بونو اؤلکه‌میزده کئچیریلن بین‌الخالق جاز فستیواللارینا اولان ماراق بیر داها ثبوت ائدیر. آمریکا جازی و مغام موسیقی‌سی اوزرینده قورولان آذربایجان جازینین بونوره‌سی ۳۰-جو ایللرین سونوندا نیازی و توفیق قولیئوین یاراتدیغی «دولت جازی» آدی ایله تانینان دولت استرادا اورکستری طرفیندن قویولوب.

آذربایجان‌دا استرادا و جاز موسیقی‌سینین ایکینجی حیاتی رافیق بابایئوین یاراتدیغی «قایا» آنسامبلی ایله باشلاییب. بو آنسامبل کئچمیش اس.اس.ار.ای-ده بؤیوک شهرت قازانمیشدی. واقیف مصطفی‌زاده دورو ایسه آذربایجان‌دا جازین انتباه دورو حساب ائدیله بیلر. ویرتووز موسیقی‌چی مغاملا جازین سینتزینی یارادیب. اؤزوندن سونرا اونون یولونو قیزی عزیزه مصطفی‌زاده داوام ائتدیریر و یئنی ناعلیتلره ایمضا آتیر.

بؤیوک تمل‌لر اوزرین‌ده قورولموش آذربایجان جازی ایندی گنج ایفاچیلارین تیمسالین‌دا داها دا اینکیشاف ائدیر. بین‌الخالق مونتره جاز فستیوالینین غالیبی ایسفار سارابسکینین آدینی چکمک یئترلیدیر کی، آذربایجان‌دا جاز عنعنه‌سینین نئجه یاشادیغینین شاه دی اولاسان. همچینین راین سلطانوو، سالمان قنبروو، امیل افراسیابوغلو، شاهین نورسلی کیمی تانینمیش ایفاچیلار بو عنعنه‌لری اوغورلا داوام ائتدیریرلر.