فرانسانین سون گونلر آذربایجانا قارشی آچیقلاماسی تعجبله‌ندیرمه‌یه بیلمیر.

روسییالی پولیتولوگ پاول کلاچکووون فرانسا داخیلی ایشلر ناظری‌نینین آذربایجانا قارشی ادعاسیندان حیرته گلدیینی بیلدیرمه‌سی تصادف دئییل. چونکی فرانسا داخیلی ایشلر ناظری یئنی کالئدونییاداکی «قیام»ین آرخاسیندا آذربایجانین دوردوغونو بیلدیرمیشدی.

نوبتی عینی مضمونلو موقعیی فرانسا پارلامنتینین فرانسا-ارمنستان پارلامنت دوستلوق گروپونون رهبری آنن-لورئنس پئتئل پایلاشیب. او، سوسیال شبکه‌ده حسابیندا یازیب: «یئنی کالئدونییادا ثابیتلیین پوزولماسینین آرخاسیندا آذربایجانین یاراتدیغی باکی تشبوث گروپونون دایاندیغی گؤز قاباغیندادیر».

بونون آردینجا ایسه بیلدیریب کی، فرانسا باکینین هدفینده‌دیر، چونکی پاریس «آذربایجان دیکتاتوراسینین هجومونا معروض قالان ارمنی دموکراتییاسینی دستکله‌ییر».
پولیتولوگلاری دا بو جور یاناشما سرگیله‌ییرلر.

چاره‌سیز، زاواللی، مسکین آچیقلامالاردیر. آوروپانین سیاسی لیدری، دونیانین ان گوجلو اؤلکه‌لریندن بیری، نووه دولتی فرانسا، سن نه گونلره قالدین؟! قوس-قوجا دولت اراضی‌سینده انسان حاقلاری ایله باغلی باش وئره‌ن پروسئسلره گؤره آذربایجانی اتهام ائتمکدن قطعیا اوتانمیر.

فرانسانین موجود لیدری – یعنی بریجیت خانیمین اؤزوندن ۲۰ یاش گنج اولان سوتول اری، قوس-قوجا یئلیسئیین رهبری اممانوئل ماکرون اؤزونه، گوجونه، دموکراتییاسینا، عنعنه‌لرینه حرمت ائتسه‌یدی، یئنی کالئدونییانی مین کیلومئترلرله اوزاقدا اولان بیر جنوبی قافقاز اؤلکه‌سینین «قاریشدیردیغینی» ادعا ائتمز، بونو فرانسانین نفوذونا، شرفینه سیغیشدیرمازدی.
سن نئجه بیر دنیا گوجوسن کی، کیچیک آذربایجان داخیلی ایشلرینه قاریشا، فرانسادا «قیام» قالدیرا بیلیر؟

سن نئجه دنیا گوجوسن کی، وطنداشلارینین حاق، حقوق، عدالت نامینه کوچه‌لره چیخماسینا قارشی پلیس زوراکی‌لیغی تؤردیب، ان آزی ۴ نفرین اؤلومونه، اونلارلا شخصین یارالانماسینا سبب اولورسان و بو توققوشمادا چوخ-چوخ اوزاقدا یئرلشن کیچیک آذربایجانی اتهام ائتمکدن چکینمیرسن؟

هانی سنین دموکراتییان؟ هانی انسان آزادلیغین؟ هانی انسان حاقلارین؟ نیه فرانسا کیمی دونیا نهنگین‌ده «خوشبخت یاشایان» کاناکلار هانسیسا یاد اؤلکه‌نین دسته‌یینه سیغینمالی‌دیر؟

روسییانی چؤکدورمه‌یی، پوتینی ماسایا اوتورتماغی، اوکراینادا روس اوردوسونون بورنونو اووماغی، حتی بو محاربه‌ده اشتیراک اوچون اوردوسونو گؤندرمه‌یی «هدفله‌ین» ماکرون و کومانداسی هانسی مسکین دوروما دوشدویونون فرقینده‌دیرمی؟ ۸۶ مین کوادرات کیلومترلیک، ۱۰ میلیونلوق، «سراغاگون» مستقیل اولان و «دونن» اراضیسین‌ده سپاراتیزمین کؤکونو کسیب، سرحدلرینی برپا ائد‌ن بیر جنوبی قافقاز اؤلکه‌سی ۵۵۰ مین کوادرات کیلومترلیک اراضیسی اولان نووه گوجونو و آوروپانین سیاسی لیدر دولتینی هدف تاختاسینا چیخارا بیلیرسه، ۱۷،۳ میلیون کوادرات کیلومترلیک دنیا نهنگی روسییا سنه نلر ائتمز، ماکرون؟

فرانسا او سوییه‌یه دوشوب کی، آذربایجانین «هدفینده اولدوغونو» اعتراف ائدیر.
بو، نه دئمک‌دیر؟ دوغرودان، سببینی تاپماق ایسته‌ییرم: گ۲۰، حتی گ۷ اؤلکه‌سی، ب.م.ت تهلوکه‌سیزشوراسینین دایمی عضوو، دنیانین ان بؤیوک اقتصادیاتلارین‌دان بیرینه صاحب، دموکراتییا بئشیی فرانسا دوننه قدر اراضیسین‌ده اولان مناقیشه‌ده آربیترلیک، حاکملیک ائتدیی آذربایجانین هدفینه دوشمه‌سیندن نئجه سیزل‌داییب، آه-وای ائده بیلر؟ دوغرودانمی آذربایجان او قدر گوجلنیب کی، آوروپا نهنگینین داخیلینه علینی اوزادیب، اورانی قاریشدیریر؟

ساده‌جه، آذربایجان عدالتلی‌دیر، بین‌الخالق پرینسیپلره رعایت ائدیر، لیدری ایسه چوخ عاغیللی‌دیر، اوزاق‌گؤره‌ندیر و اؤز داخیلینه اوزانان اللری کسمه‌یین یولونو حددن آرتیق مکممل بیلیر؛ چونکی پرزیدنت ماکرون گئجه کلوبوندا الینده پیوه بوتولکاسی رقص ائد‌ن‌ده پرزیدنت علیئو گئجه-گوندوز یاتمادان اؤلکه‌سینی هم ده بو «بوتولکالی گئده"دن خلاص ائته‌میین یوللارینی آختاریردی!

ماکرون آفریکادا فرانسانین معنوی سرحدلرینی ایتیره‌نده ایلهام علیئو آذربایجانین معنوی سرحدلرینی اورتا آسییادان آوروپانین گؤبیینه - مجاریستانا قدر بؤیودوردو؛
فرانسا آفریکادا ۵۰ ایلدیر «متتفیق‌لیک ایچینده اولدوغو» اؤلکه‌نین دوستلوغونو ۵ ایللیک پرزیدنت‌لیگی دؤنه‌مینده یئرله‌بیر ائدیب، سونرا او اؤلکه‌یه سفرینده ۵ مترلیینده‌کی پرزیدنتله آنلاشا بیلمه‌ینده و مئدیانین گؤزو اؤنونده اؤزوندن حجمجه ۵ دفعه بؤیوک لیدرله سؤزون حقیقی معناسیندا قالماقال یاشایاندا آوروپا اؤلکه‌سینین لیدری علیئوین طییاره‌سینی قارشیلاماق اوچون هاوایا قیریجیلار قالدیریب، ۵۰۰ کیلومتردن سایغی و حرمتینی بروزه وئریردی، چونکی ۵ مین کیلومتردن گؤزل-گؤزل آنلاشماغی باجاریرلار.

نتیجه اورتادادیر!
بلی، کلاچکوو دوغرو دئییر، آذربایجانین گوجونو بو سوییه‌ده اعتراف ائد‌ن، بو سوییه‌ده دیله گتیره‌ن اولمامیشدی! آذربایجان او قدر قدرتلی اؤلکه‌یه چئوریلیب کی، آرتیق دونیا گوجو فرانسا باکینین «هدفینه چئوریلمه‌سیندن» شیکایتله‌نیر.
گونلرین بیرینده یئنی کالئدونییا پروبلئمینین حلی اوچون آوروپا تهلکه سیزلیک تشکیلاتی‌نین مینسک گروپو یارادیلسا و آذربایجان همصدر اولسا، گرک بریجیت خانیمین اری تعجبله‌نمه‌سین!
نیه ده یوخ؟ نه واختا قدر زامان ترس آخمالی و ماکرونلارین عدالتسیز یاناشماسی ایله دنیاداکی مناقیشه اوجاقلاری داها دا کؤروکله‌نمه‌لی‌دیر؟