صمد بهرنگی ۱۹۳۹-جو ایل ایون آیینین ۲۴-ده گونئی آذربایجانین تبریز شهرینده، فهله عائله‌سینده آنادان اولوب.

Kult.az خاطرلادیر کی، ابتدای تحصیلینی «تربیت» مکتبینده آلیب. سونرا تبریز پداقوژی تکنیکومون‌دا تحصیلینی داوام ائتدیریب. طلبه‌لیک ایللرینده «خند» (گولوش) آدلی هفته‌لیک دیوار قزئتی بوراخیب. ایلک ادبی تنقیدی و ساتیریک قلم تجروبه‌لرینی ده بو دؤورده یازیب.

امک فعالیتینه آذرشهر (توفارقان) محالینین ماماغان، گؤگان ابتدای مکتبلرینده معلم کیمی باشلاییب. تبریز اونیورسیتتینین فیلولوگییا فاکولته‌سینین اینگیلیس دیلی شعبه‌سین‌ده تحصیل آلیب (۱۹۵۶-۱۹۶۱). آذربایجان ناغیللارینی توپلایاراق، فارس دیلینه ترجمه ائدیب و همکاری بهروز دهقانی ایله بیرلیک‌ده نشر ائتدیریب. عینی زامان‌دا فارس دیلیندن دوغما دیله چئویردیی ترجمه‌لری دوری مطبوعات‌دا چیخیب.

ایلک حکایه‌لری «عادت»، «بی‌نام» ۱۹۵۹-جو ایلده درج اولونوب. بوندان سونرا «اولدوز و قارغالار»، «چوغوندورساتان اوغلان»، «بالاجا قارا بالیق» و ب. حکایه و ناغیللارینی یازیب (۱۹۶۷-۱۹۶۹). ماراقلا قارشی‌لانان حکایه‌لرین‌دن اولان «بالاجا قارا بالیق» آزادلیغا حصر اولونوب.

ایتالییانین بولونیا شهرین‌ده کئچیریله‌ن اوشاق کیتابلاری موسابیقه‌سین‌ده قیزیل مئدالا لاییق گؤرولوب، کیتابلاری ایتالیان، فرانسیز، اینگیلیس، تورک دیللرینده نشر ائدیلیب.

همکارلاری اونو «آذربایجان کندلیلرینین جانلی دیلی»، «ملی مدنیتین اویاق ویجدانی»، «خالقا اوز توتان»، «سیار معلم» آدلاندیریبلار.

باکی‌دا «محبت ناغیلی» (۱۹۸۷) آدی ایله سئچیلمیش اثرلری کوتلوی تیراژلا بوراخیلیب.

صمد بهرنگی ۱۹۶۸-جی ایل آوگوستون ۳۰-دا ایران‌دا خومارلی یاشاییش منطقه‌سی یاخینلیغیندا آراز چاییندا معمالی شرایط‌ده بوغولوب.

اونون حاقین‌دا مختلف قیسا فیلملر چکیلیب. تورکییه‌ده اونون کیتابلارینین بیری حاق‌دا چکیلن فیلمی تقدیم ائدیریک: