آذربایجان رسپوبلیکاسینین تانینمیش صنعت‌چی و موغه‌ننیلرین‌دن اولان داملانین اردبیل و تهران شهرلرینه سفری ایران سوسیال مئدیا پلاتفورمالاریندا مباحثه‌لره سبب اولوب.

Kult.az خبر وئریر کی، بو باره‌ده سوسیال مئدیا کاناللارین‌دا پایلاشیملار ائدیلیب

یاییلان ویدئولاردا داملانین اردبیل‌ده‌کی شادلیق زاللاریندان بیرینده مجبوری حجاب قایدالارینی رعایت ائتمه‌دن ماهنی ایفا ائتدیی عکس اولونوب.

داملا حجاب‌سیز شکیل‌ده زال‌دان کوچه‌یه چیخیر و قاپی قارشی‌سیندا گونئی آذربایجان‌لیلار اونا خوش گلدین دئییر، گول دسته‌لری وئریرلر.

سالن‌دا داملا ایله یاناشی بیر چوخ اردبیل‌لی قیز و قادینلارین دا حجابسیز اولماسینا باخمایاراق، ایران سوسیال مئدیا کاناللاری آنجاق داملانی هدف آلیب، اونون حجاب‌سیزلیغینی ایران قانونلارینا حؤرمتسیزلیک کیمی قلمه وئریبلر.

داملانین ایرانا سفر ائتمه‌سینی تنقید ائدیب و بئله سفرلرین ایران مدنیتینه قارشی اولدوغونو اولدوغونو ادعا ائدیبلر.

همچینین ، آذربایجان رسپوبلیکاسین‌دان اولان موغه‌ننینین اردبیله سفرینه اجازه وئریلمه‌سینی قیناییب، بونون ایران مدنیتینه قارشی تبلیغات اولدوغونو ادعا ائدیبلر.

"آذری-ایرانی صنعت‌چیلر آذربایجان رسپوبلیکاسی و تورکییه‌یه تأثیر قویمالیدیرلار، آنجاق بونون عکسینین شاهیدیییک، آذربایجان‌لیلار ایرانا تأثیر گؤستریرلر و بیز ایسه یاتمیشیق"،- پایلاشیملاردا آذربایجان مدنیت خادیملرینین گونئی آذربایجان و ایرانا مدنی تاثیرلرینین تهلوکه‌سی باره‌ده خبردارلیق ائدیبلر.