بریتانییانین «شورتلیست» ژورنالی واختی ایله کیتابخانا رفلریندن و مغازالاردان مصادره ائدیله‌رک مطالعه‌سینه قاداغا قویولموش کیتابلارین سیاهی‌سینی ترتیب ائدیب.

Kult.az همین سیاهی‌دان کورت ووننگوت: «۵ نمره‌لی ساللاقخانا و یا اوشاقلارین صلیب یوروشو» کیتابینی تقدیم ائدیر

اثرین سوژت خطینی آمئریکالی عسگر بیللی پیلیگریمین ایکینجی دونیا محاربه‌سی زامانی آردئن یاخینلیغینداکی دؤیوشلرده آلمانلارا اسیر دوشمه‌سی و درسدن شهرینده‌کی کهنه ۵ نؤمره‌لی ساللاقخانادا اسیر ساخلانیلماسی تشکیل ائدیر. متتفیق اؤلکه‌لرین اوردوسو طرفیندن شهرین مرمیله‌نمه‌سی زامانی بیللی، یولداشلاری و فاشیست رژیمینه قارشی مباریزه آپاران دیگرلری بینانین درین زیرزه‌می‌سینده گیزلنیرلر. زیرزه‌میده اولدوغو مدتده بیللی کئچمیش و گله‌جک، هابئله اؤز اؤلومو ایله علاقه‌لی قاراباسمالار گؤرور.

رومان‌دا تصویر اولونان صحنه‌لر اوشاقلارین پسیخیکاسینا منفی تأثیر ائتدیینه گؤره آمریکادا کیتابا قاداغا قویولموشدو. بو اثر ایندینین اؤزونده ده آمریکا کیتابخاناچیلار آسسوسیاسییاسی طرفیندن گئنیش یاییمینا محدودیت قویولان ۱۰۰ کیتاب سیاهیسینا داخیلدیر. اونو دا قید ائتمک لازیمدیر کی، همین سیاهیدا دونیا ادبیاتی کلاسسیکلریندن مارک توون، تئودور درایزر، اویلیام فولکنر و دیگر یازیچیلارین اثرلری ده وار.