تبریزین خانیم موسیقی‌چیلریندن عبارت اولان "پارلا" موسیقی گروپو تهرانین "وحدت" مدنیت کومپلکسین‌ده آذربایجان موسیقی‌سی و فولکلوروندان نمونه‌لر سسلندیریبلر.

Kult.az خبر وئریر کی، بو باره‌ده تبریزین "آذرانجمن" نشری معلومات یاییب.

معلوماتا گؤره، مده‌نی تدبیرین پرودوسری تبریزین "ندای ایماژ" مدنی قورومونون باش دیرکتورو غلامرضا میرزازاده، گروپون باشچی‌سی و موغه‌نی‌سی ماریا یزدانی، فولکلور، تماشا و دیزایین بؤلمه‌سینین مسئولو ایسه فاطمه محمدی اولوب.

بیلدیریلیب کی، آذربایجان موسیقی‌سی و فولکلوروندان پارچالارین سسلندیریلمه‌سی و نمایشی تهران‌دا یاشایان آذربایجان‌لیلارین گئنیش رغبتی ایله قارشیلاشیب، مدنی تدبیرده اشتراک ائتمک اوچون اوزون نوبه‌لر یارانیب.

قید ائدک کی، "پارلا" موسیقی و فولکلور گروپو اؤتن ایل "بین‌‎الخالق فجر موسیقی فستیوالی"ندا شرقی آذربایجانی تمثیل ائد‌ن یگانه گروپ اولوب.

بو ایلین فورالی آیینین ۱۳-دکئچیریله‌جک فستیوال‌دا دا "پارلا" شرقی آذربایجانی ایکینجی دفعه اولاراق تمثیل ائد‌جک.