یانوارین ۱۹-دا تهرانین «آزلیقلارین حقوقلاری اوزره آراشدیرما مرکزی»نده آنتی‌آذربایجان و ارمنی پرست مؤقع‌لی اکسپرت دکتر احمد کاظمی‌نین «بین‌لخالق حقوق آسپکتین‌دن آذربایجان رسپوبلیکاسین‌دا آزلیقلارین حقوقلاری» آدلی کتابینین تقدیمات مراسمی کئچیریلیب.

Kult.az خبر وئریر کی، کیتابلا باغلی مؤلفین وئردیی اینفورماسییالار و اونون موافق ساحه‌ده اوزون ایللردیر داوام ائد‌ن آنتی‌آذربایجان فعالیتلری کیتابین آذربایجانین ملی تهلوکه‌سیزلییی و سوورن‌لییی علیهینه چاغیریشلار احتیوا ائتدیینی نماییش ائتدیریر.

​تقدیمات مراسمی ایله علاقه‌دار کئچیریلمیش «علمی کنفرانس»دا «ایران تات‌شناس‌لیق آسوسیاسییاسی»نین رهبری عباس رحمانی، «تهران‌دا مسکونلاشان تالیشلارین آسوسیاسییاسی»نین صدری مجید نعمتی سیاهمذگی، تهرانین آزاد اسلامی اونیورسیتتینین خاریی دیللر کافدراسینین ارمنی اصیل‌لی معلمی آندرانیک سیمونیان، «قفقاز آراشدیرمالاری فوندو»نون اجراچی دیرکتورو جعفر خاشع، ایران ارمنیلرینه مخصوص «حر ترجمه و تدقیقات اینستیتوتو»نون اداره هیئتینین رهبری ایساک یونانسیان، دوسنت هادی رحمانی سعید، آوراسیا و مئدیا اوزره آپاریجی تدقیقات‌چی حسن بهشتی‌پور و کرد ملتی اوزره آراشدیرماچی جعفر عبدالملکی کیمی آنتی‌آذربایجان سیمالار اشتراک ائدیبلر. مختلف ملت‌لردن اولان سؤزوگئدن «اکسپرتلر»این «سیموولیک اولاراق» تدبیره دعوت ائدیلمه‌سی «همین ملتلرین نماینده‌لرینین آذربایجاندا یاشاماسی» ایله علاقه‌لندیریلیب.

کیتاب و تقدیم ائتمه مراسمی ایله باغلی رسمی ایرنا و «مهر» آگنت‌لیکلری، ائلجه ده ایرانین محکمه سیستمینه عاید «میزان» اینفورماسییا رسورسو گئنیش معلوماتلار یاییبلار.

​ا.کاظیمی کتابی آذربایجان رسپوبلیکاسیندا «اتنیک، دین، دیل و ملی آزلیقلار داخیل اولماقلا» ۴ گروپ «آزلیق» اوزره یازدیغینی بیلدیریب. کتاب ۴ حیصه، ۱۶ فصل و ۶۰۸ صحیفه‌دن عبارتدیر. موافق بین‌الخالق حقوق و کونونسییالارا «استناد ائد‌ن» مؤلف آذربایجان رسپوبلیکاسینی ائتنیک و دینی آزلیقلارا قارشی «سیستماتیک دیسکریمیناسییا و مدنیت سویقریمی حیاتا کئچیرمک»ده اتهام ائدیب. مختلف دیللرده منبع‌لرله یاناشی، آذربایجان رسپوبلیکاسین‌دا فعالیت گؤستردیی ۵ ایل عرضینده‌کی «تجروبه‌یه ده اساسلاندیغی»نی دئیه‌ن کاظیمی کتاب‌دا «یاشاماق حقوقو، کولکتیو کیملیک حقوقو، مدنی حقوقلار، دینی حقوقلار، لینقویستیک حقوقلار، اقتصادی حقوقلار، علاقه حقوقو، افکتیو اشتراک حقوقو، برابرلییه اساس‌لانان اینتقراسییا حقوقو و اؤز مقدراتینی تعیین ائتمه حقوقو» کیمی موضوع‌لارا توخوندوغونو قید ائدیب. کیاب‌دا «اؤز مقدراتینی تعین‌ائتمه حقوقو» بو زمین‌ده آذربایجانین اراضی بوتؤولویو و سوورنلیینه قارشی هدفلنمیش اساس آسپکتلردن بیریدیر.

کاظیمی کتاب‌دا آذربایجان رسپوبلیکاسینین «دیسکریمیناسییا سیاستی»نه اساساً آزلیقلاری ایکی گروپدا - «سئچیلمیش» و «عادی» آزلیقلار قیسمینده کاتگوریالاشدیریب. تورک اصیل‌لی خالقلاری و یهودیلر کیمی دینی آزلیقلاری «سئچیلمیش» آزلیقلارا داخیل ائدیب، دیگر ائتنیک آزلیقلاری و شیعه مذهبینه اعتقاد ائد‌نلری «عادی» آزلیقلار (؟ – رئد.) کاتگورییاسیندا گروپلاشدیریب. آذربایجان حکومتینین «عادی» آزلیقلارا قارشی «موجودلوق حقوقلاریندان توتموش سیستماتیک اولاراق اتنیک تمیزله‌مه و مدنیت سویقریمی حیاتا کئچیرمکله» اونلارین «حقوقلارینی کسکین شکیلده پوزدوغو»نا دایر دزینفورماسییا و اتهاملارا یئر وئریب.

کاظیمی آذربایجان‌دا اتنیک و دینی دوشمن‌چیلیک زمینینده عداوت، پارچالانما و اغتشاشلاری قیزیشدیرماق مقصدیله یازدیغی کیتاب‌دا اؤلکه‌ده «پان‌آذریزم»، «پانتورکیزم» و «پانتورانیزم» ایدئولوگییالارینین یاییلماسی ایله پارالل اولاراق «شیعه ایزلرینین سیلینمه‌سی» پروسسینین جریان ائتدیینی ادعا ائدیب.

مؤلف همچینین کیتابین عرصه‌یه گتیریلمه‌سی ایله باغلی ائتدیی چیخیشدا آذربایجاندا چار روسیاسی و سووت ایمپرییاسی دؤورونده اولدوغو کیمی، آزلیقلارلا باغلی معلومات «چاتیشمازلیغی» و موجود اولان معلوماتلارین «ساختاکارلیق» و «نفرت آشیلایان مزمونلا» دولو اولدوغونا دایر خوشاگلمز فکرلره ده یئر وئریب.