تهران محکمه‌سی ایرانین کئچمیش کشفیات و تهلوکه‌سیزلیک ناظری علی یونسی‌نین اوغلو حسن یونسی‌یه قارشی "اسرائیله دستک" اتهامینا گؤره جنایت ایشی آچیب.

Axar.az خبر وئریر کی، بو حاق‌دا یونسی اؤزونون سوسیال مئدیا حسابین‌دا معلومات یاییب.

"من کیبر مکان‌داکی پایلاشیملاریما گؤره، هم ده "یالان معلوماتلار یایماق و حکومت علیهینه تبلیغات آپارماق"دا گناهلاندیریلمیشام"،- او بیلدیریب.

قید ائدک کی، علی یونسی محمد خاتمی‌نین پرزیدنت‌لییی دورونده ناظر اولوب.

او، بیر نئچه دفعه ایران حاکمیتینه خبردارلیق ائد‌رک، "موساد-ین اسلام رسپوبلیکاسینین بوتون قاتلارینا سیزدیغینی" دئییب:

"رسمیلرین هامیسی اؤز حیاتلارینین ریسک‌ده اولماسینا گؤره نگران اولمالیدیرلار".