نیکول پاشینیان اؤز آدمینیستراسییاسینین رهبری آراییک آروتیونیانا ایران پرزیدنتی مسعود پزشکیانلا گؤروش اوچون ارمنستانلا آمریکا آراسیندا یئنی سازشلرله باغلی «ایرانین ناراحات‌لیغینی آزالداجاق» اساسلاندیرمالار حاضرلاماغی تاپشیریب.

Axar.az خبر وئریر کی، بو باره‌ده «هراپاراک» نشری معلومات یاییب.

«منبع‌میز قید ائدیر کی، پاشینیان پزشکیانا ارمنستان سرحدلری یاخینلیغیندا آمریکانین دئییل، آذربایجان و تورکیه‌نین حربی فعاللیغینین آرتاجاغینا دایر فاکتلار تقدیم ائتمیی تکلیف ائدیب.

اونون فکرینجه، بئله یاناشما گؤروشون گونده‌مینی و قونشوموزون واشینگتن راضیلاشمالارینا مناسبتینی دییشه بیلر.

یئری گلمیشکن، دونن پاشینیان قازاخیستان پرزیدنتی قاسم-ژومارت توکایئو، ولادیمیر پوتین، مسعود پزشکیان، رجب طیب اردوغان، امانوئل ماکرون و ایوردانیا کرالی ایله تلفن دانیشیغی آپاریب. طبیعی کی، او، حسابات وئریب و واشینگتن سندلرینین یاراتدیغی تصوراتی قیسماً یومشالتماغا و هم‌صحبت‌لرینی امین ائتمه‌یه چالیشیب کی، اونلارین ماراقلارینا هئچ بیر تهلوکه یوخدور»، - نشر یازیب.