ارمنستان باش ناظری نیکول پاشینیانین گؤستریشی ایله سونیک ویلایتینده (غربی زنگزور) صلح کامپانییاسی باشلاییب.

Axar.az خبر وئریر کی، بو باره‌ده «هراپاراک» قزئتی معلومات یاییب.

نشر بیلدیریب کی، هر ایل «اجماع‌لار گونو» مناسبتیله سونیک‌ده تدبیرلر تشکیل اولونسا دا، بو ایل بو گونلری بؤیوک طمطراقلا قید ائتمک اوچون گؤستریش وار:

«آوگوستون ۱۵-ده قوری، ۱۶-دا قافان، ۲۴-ده قاجاران گونودور. سونیک‌لیلره بایرام شنلیکلری تشکیل ائتمک، حاکمیته مثبت مساژلار وئرمک قرارا آلینیب.

بیر نئچه گون اول تق کندی ایلک اجماع بایرامینی قید ائدیب، حتی سون واختلار رگیونال تدبیرلرده، خصوصاً ده ویلایت قوبرناتورو روبرت گوکاسیانین قاتیلدیغی تدبیرلرده اشتراک ائتمه‌یه‌ن قافان رهبری گئوورق پارسیان دا قاتیلیب. یئرلی اجماع‌نین مری داوید قولونتس چیخیشین‌دا حتی واشینگتن راضیلاشماسینا دا توخوناراق بیلدیریب کی، دونالد ترامپین حمایه‌سی ایله صلح بیاننامه‌سی امضالانماسی صلح حاقیندا دیرلی سنددیر، صلح اولارسا، بؤلگه ساکینلری داها یاخشی یاشایاجاقلار».