۱۵ آوگوست‌دا آلیاسکادا باش توتان آمریکا و روسیا لیدرلری دونالد ترامپ و ولادیمیر پوتینین گؤروشو ایله باغلی پروفسور زائور علی‌یئو ماراق‌لی ادعا ایله چیخیش ائدیب.

Axar.az خبر وئریر کی، تاریخچی عالیم ایلک نوبه‌ده لیدرلرین بوی فرقینی خاطرلادیب.

«۱. رسمی منبع‌لره اساساً، ترامپین بویو ۱.۹۵ سانتیمتر، پوتینین ایسه رسمی ۱.۷۰ سانتیمتردیر (لاکین شخصی ایشینده ۱.۶۵ یازیلیب). آلیاسکادا سانکی ترامپ و پوتین آراسیندا بوی فرقی ۲۹ سانتیمتر دئییل، ۱۰ سانتیمتر ایدی، اگر پوتین هوندوردابان آیاققابی گئیینممیشدیسه، بس، گؤروشه گئدن کیم اولوب؟

۲. پوتین پسیخولوژی جهتدن چوخ ساغلام بیر آدامدیر. بو گونه قدر اؤزونون رسمی تدبیرلرینده، گؤروشلرده آغیر طبیعتی ایله سئچیلیب. لاکین آلیاسکادا اونون بدن دیلی و ژستلری رئال پوتیندن قات-قات اوزاق ایدی.

۳. ترامپ گؤروشنده عادتاً قارشی طرفین الینی اؤزونه طرف دارتیر. پوتینله اونون دیگر گؤروشلرینده بو ژست اولماییب، اما آلیاسکادا بو، تکرار ائدیلدی. دئمک، ترامپ نسه بیلیردی کی، او جور ژستی ایلک دفعه پوتینه قارشی ائلدی.

۴. پوتین طیاره‌یه میننده هئچ بیر زمان آرخایا چؤنمز، اگر بونو ائدیرسه ده، ساکیتجه باخار. آلیاسکاداکی پوتین ایسه طیاره‌یه دوشنده و میننده آرتیق ژستلر ائتدی.
۵. پوتین دیپلماتیک ژستلری بیلن پئشه‌کار کیمی ترامپین لیموزینینه اوتوران کیمی کنارا ائله باخیشلارلا باخمازدی. بو، دیپلماتیک دیلده غیری-پئشه‌کار بیر لیدر اوبرازی یاراتماقلا ائو صاحبینه و دانیشیقلارا ایندیدن «یوخ» دئمک کیمی قبول ائدیلیر.

۶. ترامپ گؤروشدن غالیب آیریلدی. هر کس بیلیردی کی، بو گؤروش نتیجه‌سیز بیر سونلوقلا بیته‌جک. دئمک اولار کی، جدی هئچ بیر قرار امضالانمادی، ساده‌جه ترامپین سانکسیالارلا باغلی چیخیشی اولدو و دئدی کی، سانکسیالار هله نظرده توتولمور. والسلام. ماسادا اولان اراضی مبادله‌سی و سلاحلار مسئله‌سینه پوتین هئچ بیر رئاکسیا وئرمه‌دی. بو، ترامپا لازیم اولان دیپلماتیک قلبه ایدی. هر کسه گؤستردی کی، من بو آداملا نه دانیشیم - آدام آنجاق قان و محاربه ایستییر.

۷. اوکراینا مسئله‌سینه گلدیکده، اونون حلینین واشینگتن دئییل، برلینده اولدوغونو پوتین ده بیلیر. بو مسئله آمریکا-روسیا دئییل، آلمانیا-روسیا دانیشیقلاریندا بللی اولاجاق. ترامپ دونن روسیا ایله قارشیلاشمانی رسماً آلمانیانین اللرینه تسلیم ائتدی. پوتین ائله دوشونور کی، برلین دیوارلارینین یئنی‌دن قورا بیلر. لاکین آلمانیا آرتیق روسیانین ایچریسینده مختار دولتلری اونا قارشی گؤندره بیلیب»، - عالم قید ائدیب.

اونون فکرینجه، روسیا اوکراینا ایله محاربه‌نی داها آغیر فورمادا داوام ائد‌جک. روسیانی دایاندیراجاق گوج ایسه ناتو یوخ، «ابراهیم پاکتی»نا عضو اولان دولتلرین بیرلییی اولاجاق.