ایران آمریکانین زنگزور دهلیزینه نظارت ائتمه‌سینه قارشی دئییل.

Axar.az خبر وئریر کی، بونو ائرمه‌نی پولیتولوق ادقار واردانیان دئییب.

اکسپرتین ادعاسینا گؤره، ایران پرزیدنتی مسعود پزشکیانین ارمنستانا سفرین‌دن سونرا تهران بون‌دا اؤزونه قارشی بیر تهلوکه گؤرمور:

«ایرانین آمریکاننین بو و یا دیگر شکیل‌ده اشتراکی ایله باغلی معین قید-شرطلری واردی، آرتیق ایروان‌دا بو سواللارا آیدین، یکون، رسمی، اوزبوز جوابلار آلیب. تهران بئله بیر قناعته گلیب کی، اونون ایلکین قورخولاری نئیتراللاشدیریلیر و حاضردا اونون اوچون کؤکلو پروبلم یوخدور».

قید ائدک کی، ایران خاریجی ایشلر ناظری عباس عراقچی آوگوستون ۱۵-ده یئرلی مطبوعاتا مصاحبه‌سین‌ده آچیق شکیلده آذربایجانین زنگزور دهلیزینه نظارتینه قارشی چیخیب. مسئله ایله باغلی واشینگتنون ایدئیاسینی دستکله‌یه‌ن ایران‌لی ناظر بیلدیریب کی، زنگزور دهلیزینه آذربایجان نظارت ائد‌جکدی، «ترامپ یولو»نا ایسه نظارت آمریکا شرکتی و ارمنستان‌دا اولاجاق. عراقچی بیرینجی دورومون تهرانین ماراقلارینا اویغون اولمادیغینی وورغولاییب.

آذربایجانین اونوانینا آبسورد ادعالار سسلندیره‌ن خارجی ایشلر ناظری تخریبات‌چی چیخیشین‌دا بیر آز دا ایر‌لی گئده‌رک سؤیله‌ییب کی، گویا زنگزور دهلیزی مسئله‌سینده مقصد ارمنستانین جنوبونو اله کئچیرمک اولوب، آمریکا ایله باغلی مسئله‌ده ایسه بو «تهلوکه» آرادان قالخیر. ناظر ایروانین مسئله ایله علاقه‌دار تهرانا «ضمانت» وئردیینی ده آچیقلاییب.