بین‌الخالق اتم انرژیسی آگنتلیینین (ماقاته) رهبری رافایل گروسی ایرانلا علاقه‌لی شخصلرین تهدیدی سببیندن ایونون سونوندان بری ۲۴ ساعتلیق محافظه آلتیندادیر.

Axar.az خبر وئریر کی، بو باره‌ده «وال استریت ژورنال» کشفیات منبع‌لرینه استنادلا معلومات یاییب.

معلوماتا گؤره، آوستریا کشفیاتی اوچونجو طرفدن معلومات آلدیقدان سونرا گروسی‌نین محافظه‌سینه خصوصی تعینات‌لی "کبری" بؤلمه‌سینین عضولری جلب ائدیلیب.

باشقا بیر منبع تهدیدین بیرباشا ایرانین اؤزوندن گلدیینه اینانیلدیغینی و رسمیلرین بونا جدی یاناشدیغینی دئییب. ماقاته-نین سؤزچوسو فردریک داهل خصوصی تعینات‌لیلارین معلوماتینی تصدیقله‌ییب، لاکین تهلوکه‌نین ایران‌دان گلدیینه یوخ:

«بیز تهلوکه‌نین کونکرت اولاراق هارادان گلدیینی دئیه بیلمریک».

نشر خاطرلادیب کی، ایران اسرائیلله ۱۲ گونلوک محاربه‌ده گروسینی ده گناهلاندیرمیش، ماقاته-نین نووه پروگرامی ایله باغلی حساباتلارینین غرضلی اولدوغونو و اساس‌سیز ادعالار اولدوغونو بیلدیرمیشدی:

«عملیاتلار باشا چاتدیقدان سونرا گروسی موفتیشلرین تهلوکسیزلیین‌دن احتیاط ائد‌رک اونلاری ایران‌دان چیخارماق اوچون عملیات تشکیل ائتدی. ایرانین عالی دینی لیدری آیت اللاه علی خامنینین باش مشاوری علی لاریجانی محاربه‌دن سونرا گروسی ایله مشغول اولاجاغینا سؤز وئرمیشدی. ایرانین «کیهان» قزئتین‌ده گروسی حتی اسرائیل جاسوسو آدلاندیریلمیشدی. ماقاته صدری بو ادعالاری اساس‌سسز حساب ائتمیشدی».