نظره آلساق کی، روسیا اوکراینایا قارشی راکت و پیلوتسوز طیاره هجوملارینی دایاندیرماییب و گئنیش مقیاس‌لی محاربه باشلایاندان بری کیئوه ان آغیر بمباردمانلاریندان بیرینی حیاتا کئچیریب، آمریکا پرزیدنتی دونالد ترامپین بو محاربه‌نی تئز بیر زمان‌دا بیتیره بیلجیی ایله باغلی ادعالارینا رغما، هله ده اونون سونا چاتماسیندان چوخ اوزاغیق.

Axar.az خبر وئریر کی، بو باره‌ده آمریکالی آنالیتیکلر جفری زونننفلد و ایستیون تیان "فورتون" نشرینه بیلدیریبلر.

قید اولونوب کی، روسیا لیدری ولادیمیر پوتینله آلیاسکادا کئچیریلن ساممیت زمانی آغ ائو رهبرینین جدی نتیجه‌لرله هده‌له‌مه‌سینه باخمایاراق، آتشکس الده‌اولونماز گؤرونور. نشر آمریکانین کئچمیش پرزیدنتی جو بایدنین روسیایا قارشی تطبیق ائتدیی سانکسیالارین اهمیتلی اولدوغونو، لاکین کفایت قدر سرت اولمادیغینی بیلدیریر. بوندان علاوه، اوکراینایا حربی یاردیم گؤندریلمه‌سی ده تئز-تئز گئجیکیردی.

«سون ۸ آیدا وئریلن سرت بیاناتلارا باخمایاراق، ترامپ هله ده کرملین رهبرینه رئال تضییق گؤسترمک ایستمیر»، - نشر علاوه ائدیب.