آمریکانین ناتو متفیقلرین‌ده اوکرایناداکی مناقشه‌ده حربی عملیاتلارین تئزلیکله دایاندیریلماسینی تعمین ائتمک اوچون سیاسی ایراده یوخدور. خصوصیله آلیانسین آوروپالی عضولری اؤز قوشونلارینین بو اؤلکه‌نین اراضی‌سینده یئرلشدیریلمه‌سینی ایستمیرلر.

Axar.az خبر وئریر کی، بونو آمریکانین ناتو-داکی دایمی نماینده‌سی متیو اویتاکر دئییب.

«آشکار، لاکین نظره آلینمایان بیر فاکت وار. متفیقلریمیز آراسیندا بو محاربه‌نی دایاندیرماق مقصدیله لازیمی آددیملاری آتماق اوچون هئچ بیر سیاسی اراده یوخدور. بوتون ناتو متفیقلریمیز بونو ائتمیر. و داها چوخ شئی ائدیله بیلر، داها چوخ. آوروپا (اوکراینادا) عسگر یئرلشدیره بیلر، لاکین هئچ کیم بونو ائتمک ایستمیر و بو، ایندیکی وضعیتیمیز باخیمیندان مایوس ائدیجیدیر»، - او بیلدیریب.

او، آمریکانین آوروپاداکی متفیقلرینین آلیانسین تهلوکسیزلیینین محکملندیریلمه‌سی و اوکراینادا صلحون الده اولونماسی باخیمین‌دان قطیعتسیزلیینه ایشاره ائدیب:

«بیر طرفدن آوروپا دولتلری مدافعه خرجلرینی عمومی داخلی محصولون ۵%-ا چاتدیرماغا راضیلاشسا دا، دیگر طرفدن آمریکایا باخماغا و یالنیز اوندان قطیعتلی آددیملار گؤزله‌مه‌یه داوام ائدیر».