آذربایجانلا همسرحد اولان تاووش بؤلگه‌سینده‌کی کیرانتس ارمنی کندیندن دلیمیتاسییادان سونرا یئنی رپورتاژ یاییلیب.

Axar.az خبر وئریر کی، «Deutsche Welle»نین پایلاشدیغی رپورتاژدا کندین آذربایجانلا سرحدینه یئنی دیوار انشا ائدیلدیی گؤرونور. همچنین یئنی یول دا چکیلیب.

قید اولونوب کی، بو دیوار ۲۰۱۹-جو ایلده دیزاین ائدیلمیش و محاربه‌دن سونرا استفاده‌یه وئریلمیش یئرلی مکتبدن جمعی بیر نئچه متر آرالی‌دا یئرلشیر:

«یئرلی ساکنلر، او جمله‌دن کیرانتس کند مکتبینین دیرکتورو ولادیمیر بابینیان اوچون یئنی رئاللیغا اویغونلاشما پروسسی آسان اولماییب. او، اعتراف ائدیب کی، بیر چوخلاری کیمی او دا حیاتینین «دیوار آرخاسین‌دا» قالماسینا آلیشماق‌دا چتین‌لیک چکسه ده، بونون صلح نامینه لازم اولدوغونو باشا دوشور. بابینیان وورغولاییب کی، صلح ایلک نوبه‌ده سرحدیانی کندلرده دیرلندیریلیر، چونکی مناقشه قیزیشدیق‌دا ایلک هدف اونلار اولور. بابینیان یئنی سرحد موضوع‌سونا یومورلا یاناشیب. دیوارین یانین‌دا اوینایان اوشاقلار تصادفا توپو آذربایجان طرفه آتسالار، نه باش وئرجیینی سوروشدوق‌دا او، بئله جواب وئریب: «بئله اولان حال‌دا، توپون اونلارین (آذربایجان) طرفینده اولدوغونو دئیجییک».

کند ساکنلرینین سؤزلرینه گؤره، دلیمیتاسییادان سونرا کندده بیر دفعه ده اولسون آتش آچیلماییب. ۷۰-ا یاخین ائوین اولدوغو کندده دولت دستیی پروگراملاری چرچیوه‌سینده سون ایکی ایلده ۵۳ یئنی ائو تیکیلیب».